„Notandi:María Ammendrup/sandbox“: Munur á milli breytinga

Fyrstu upptökurnar í safni Ríkisútvarpsins með flutningi Pólýfónkórsins eru frá tónleikum sumarið 1961. Það ár hélt kórinn hefðbundna tónleika í apríl, en um sumarið var farið í fyrstu utanferðina á kóramót í Llanghollen í Wales. Áður en lagt var í förina voru haldnir tónleikar á Keflavíkurflugvelli og í [[Austurbæjarbíó|Austurbæjarbíói]]. Hljóðritanir frá þessum tónleikum 1961 eru hluti af efni disksins, sem nú kemur út rúmri hálfri öld síðar.

Sumarið 1964 frumflutti kórinn sjö lög við enska texta í útsetningu [[Gunnar Reynir Sveinsson|Gunnars Reynis Sveinssonar]] á tónleikum hjá [[Musica Nova]]. Þessi lög birtast nú á diskinum sem ein heild.

Árið 1967 fór Pólýfónkórinn aftur í söngferð til útlanda. Þá lá leiðin til Namur í Belgíu, á þriðja mót Evrópusambands ungra kóra, Evrópa syngur III. Þetta ár var ekki síður annasamt en fyrra utanferðarár 1961. Í janúar var flutt pólska verkið Stabat Mater eftir Szymanowski með Sinfóníunni undir stjórn Bohdan Wodiczko í [[Háskólabíó|Háskólabíói]].

Í mars var Jóhannesarpassían eftir [[Bach]] flutt í Íþróttahöllinni í Laugardal.

Á tónleikum í Gamlabíói[[Gamla bíó|Gamla bíói]] vorið 1966 flutti Pólýfónkórinn tvö lög eftir [[Jón S. Jónsson]], sem þá var nýkominn frá námi í Bandaríkjunum. Þessi lög hafa sjaldan eða aldrei verið flutt síðan. Jón S. Jónsson skrifaði tónlistargagnrýni í blöðin í nokkur ár og stjórnaði kórum m.a. [[Karlakór Reykjavíkur]].

Árið 1970 lagði Pólýfónkórinn enn land undir fót og nú lá leiðin til Graz í Austurríki. Þar var 4. Europa Cantat-mótið haldið. Kórinn flutti þá m.a. nýtt verk eftir [[Páll Pamplicher Pálsson|Pál Pamplicher Pálsson]], Requiem, (Sálumessu) sem síðar var tekið upp á plötu í Stokkhólmi 1973. Auk verks Páls voru það ár flutt verk eftir [[Páll Ísólfsson|Pál Ísólfsson]], [[Hallgrím Helgason|Hallgrím Helgason]] og fleiri íslensk tónskáld.

Í fylgiriti er fjallað um [[Guðmundur Bergþórsson|Guðmund Bergþórsson]] rímnahöfund og [[Gunnar Reynir Sveinsson|Gunnar Reyni Sveinsson]] tónskáld, sem koma við sögu útgáfunnar. Umfjöllun er einnig um einsöngvara í Messu Gunnars Reynis Sveinssonar, rætt um utanferðir kórsins og að lokum er [[Friðrik Einarssonar|Friðriks Einarssonar]] minnst, en Friðrik var formaður Pólýfónkórsins frá 1977 til 1985.