„Ástralía“: Munur á milli breytinga

Margar mismunandi kenningar eru uppi um það hvenær og hvernig fólk kom fyrst til Ástralíu. Þær kenningar sem vilja rekja mannvist þar lengst aftur halda fram að [[nútímamaður]]inn hafi þróast þar. Þær kenningar njóta þó ekki mikillar hylli og er talið að besta áætlunin sé að fólk hafi komið þangað fyrst fyrir um 53.000 árum. Öruggar leifar um mannvist eru elstar 50.000 ára í Ástralíu. Lítið er vitað með vissu um sögu Ástralíu frá þeim tíma fram til þegar [[Evrópa|Evrópumenn]] komu þangað þar sem [[Frumbyggjar Ástralíu|frumbyggjarnir]] þróuðu aldrei með sér ritmál. [[Portúgal]]ar voru fyrstir Evrópumanna til að sjá heimsálfuna fyrir víst en könnun hófst ekki fyrr en á [[17. öld]]. Fyrstir Evrópumanna til að setjast að í Ástralíu voru [[Bretland|Bretar]] sem árið [[1788]] stofnuðu [[Fanganýlenda|fanganýlendu]] þar sem nú er [[Sydney]] og um hana nýlenduna [[Nýja Suður Wales]] sem náði yfir allt meginland Ástralíu og [[Tasmanía|Tasmaníu]] fyrir utan [[Vestur-Ástralía|Vestur-Ástralíu]]. Í kjölfar útbreiðslu breskra byggðarlaga yfir hina nýju [[Nýlenda|nýlendu]], voru svo nýjar nýlendur klofnar frá til að mynda [[Tasmanía|Tasmaníu]] ([[1825]], en hún var þá kölluð Van Diemensland) [[Suður-Ástralía|Suður-Ástralíu]] ([[1836]]), [[Victoria|Victoriu]] ([[1851]]) og [[Queensland]] ([[1859]]). Vestur-Ástralía varð bresk nýlenda árið [[1829]]. Til að byrja með var þróun mjög hæg í hinum nýju nýlendum. Efnahagurinn byggðist aðallega á [[Sauðfé|sauðfjárrækt]] og sölu afurða svo sem [[ull]]ar. Árið [[1851]] uppgötvaðist hins vegar gull í Ástralíu og síðan þá hefur námagröftur verið meðal helstu atvinnuvega landsins. Upp frá því uxu borgirnar við suður- og austurstrendur landsins hratt, á tíma var [[Melbourne]] næst-stærsta borg breska heimsveldisins. Árið [[1901]] sameinuðust nýlendurnar sex í Samveldið Ástralíu, fullvalda ríki í konungssambandi við Bretland. Deilur risu hins vegar upp um hvar [[höfuðborg]] hins nýja samveldis skyldi vera (bæði Melbourne og [[Sydney]] gerðu tilkall til titilsins) en á endanum var sú ákvörðun tekin að Melbourne yrði höfuðborg þangað til [[Höfuðborgarsvæði Ástralíu]] yrði stofnað mitt á milli borganna tveggja. Það var gert árið [[1911]] og Samveldisþingið flutti þangað [[1927]]. Og ég er með flottan rass