„Tjarnastör“: Munur á milli breytinga

'''Tjarnastör''', '''ljósastör''', '''ljósalykkja''' eða '''mjólkurstör''' ([[fræðiheiti]]: ''Carex rostrata'') er [[Starir|stör]] sem vex víða í [[Kanada]], norðurhluta [[Bandaríkin|Bandaríkjanna]] og á [[Ísland]]i. Hún er stórvaxnasta störin sem vex á Íslandi. Strá hennar er gilt og mjúkt. Blöðin eru blágræn. Karlöx tjarnarstararinnar eru tvö eða fleiri, með 2-3 leggi og lotin kvenöx. Axhlífarnar eru móleitar að lit og hulstrin útsperrt og útblásin. Þau ganga fram í langa, tvítennta trjónu. Tjarnastörin vex í [[tjörn]]um, [[Síki|síkjum]] og [[Mýri|mýrum]]. Hún er algengt um allt Ísland.

Á Íslandi var tjarnastörin slegin til [[fóður]]s og var talin ágætt fóður fyrir [[Nautgripur|mjólkurkýr]], enda er hún einnig nefnd ''mjólkurstör''. Mergur tjarnastarar er ætur, en hann sést vel ef stráið er slitið af við rót. Blöðin eru mjúk og sveifjanleg og voru því oft notuð í undirsængur, sessur eða sem skóleppar.