„Þorleifur jarlsskáld“: Munur á milli breytinga

'''Þofleifur jarlsskáld''' (eða jarlaskáld) frá [[Brekka í Svarfaðardal|Brekku]] í [[Svarfaðardalur|Svarfaðardal]] var sonur Ásgeirs rauðfelds í Brekku og Þórhildar konu hans. Tvíburabróðir Þorleifs var [[Ólafur völubrjótur]] en systir þeirra bræðra var [[Yngveldur fagurkinn]]. Þorleifur er af fyrstu kynslóð innfæddra Íslendinga og gæti verið fæddur á fyrsta eða öðrum áratug 10. aldar. Þorleifur og fjölskylda hans koma mikið við sögu í [[Svarfdæla saga|Svarfdælu]] en þeir bræður voru banamenn berserksins [[Klaufi Hafþórsson|Klaufa Hafþórssonar]]. Einnig er til sérstakur þáttur um hann, [[Þorleifs þáttur jarlsskálds]]. Hann segir frá æfi Þorleifs eftir að hann fór úr Svarfaðardal og ekki síst viðskiptum hans við [[Hákon Sigurðarson Hlaðajarl]]. Af þeim fékk hann viðurnefnið jarlsskáld. Lítið er til af kveðskap Þorleifs, þó eru nokkrar vísur eftir hann tilfærðar í Svarfdælu, Þorleifs þætti, Landnámabók og víðar. <ref>Jónas Kristjánsson 1956. Formáli að Þorleifs þætti jarlsskálds. ''Íslensk fornrit'' IX, [[Hið íslenska fornritafélag]]</ref>

Skáldsaga [[Þórarinn Eldjárn|Þórarins Eldjárns]], ''[[Hér liggur skáld]]'' (Rvík 2012), er um Þorleif. [[Grímur Thomsen]] orti einnig um Þorleif jarlsskáld. Kvæðið heitir Jarlsníð og þar í eru hin fleygu vísuorð "Enginn„Enginn skyldi skáldin styggja, skæð er þeirra hefnd."“