„Kristni“: Munur á milli breytinga

Kristni er upprunnin fyrir botni [[Miðjarðarhaf]]s, þaðan sem Jesús var, en fljótlega færðist þungamiðja trúarbragðanna til [[Róm]]ar, sem var á þeim tíma langöflugasta miðstöð menningar við Miðjarðarhafið. Til að byrja með voru kristnir fáir og litið niður á þá, og voru þeir ofsóttir í [[Rómaveldi]] vegna þess að þeir neituðu að dýrka [[Keisari|keisarann]] sem guð. En árið [[313]] veitti [[Konstantín mikli|Konstantín keisari]] kristnum mönnum trúfrelsi og hætti ofsóknum í Róm þar með. Árið [[391]] gerði [[Theodosius I]] kristni að ríkistrú í rómaveldi. Kristni breiddist einnig út í nágrannalöndum, árið [[301]] varð kristni gerð að ríkistrú í [[Armenía|Armeníu]] og var það fyrsta kristna ríkiskirkjan í heiminum. Til að byrja með var lítil miðstjórn meðal kristinna og miklar deilur um ýmis trúaratriði, til dæmis eðli Jesú og [[Heilög þrenning|Heilaga þrenningu]]. Keisarinn var yfir kirkjunni, en það var aðeins að nafninu til. Af og til voru haldin kirkjuþing, þar sem saman komu helstu trúspekingar samtímans og embættismenn hinna ýmsu kirkjudeilda, til að taka ákvarðanir um stefnur og strauma er fylgja skyldi. Smám saman fór þó [[biskupinn í Róm]] að auka völd sín og varð embætti hans smám saman að því, sem við í dag köllum [[Páfi|páfa]]. Þetta sætti [[patríarki]]nn í [[Konstantínópel]] (nú: [[Istanbúl]]) sig ekki við, þannig að kirkjan [[kirkjusundrungin|klofnaði]] í [[Kaþólska kirkjan|rómversk-kaþólsku kirkjuna]] (sem einnig var nefnd Vesturkirkjan) og [[rétttrúnaðarkirkjan|rétttrúnaðarkirkjuna]] (sem einnig var nefnd Austurkirkjan). Á [[16. öld]] varð svo enn klofningur, þegar þeir, sem eru enn í dag kallaðir [[mótmælendur]], mótmæltu valdi páfa og spillingu innan kirkjunnar og klufu sig frá henni í ýmsar deildir, svo sem [[Lúterstrú]] og [[Kalvínistar|kalvínista]].

 

Nú er kristin trú fjölmennustu trúarbrögð heimsins, með um 2 milljarða fylgjenda. Rúmur helmingur þeirra telst til rómversk-kaþólsku kirkjunnar, 367 milljónir eru mótmælendur og 216 milljónir tilheyra grísku/rússnesku rétttrúnaðarkirkjunni. Kristnir búa flestir í [[Norður-Ameríka|Norður-]] og [[Suður-Ameríka|Suður-Ameríku]], [[Evrópa|Evrópu]] og [[Ástralía|Ástralíu]]. Hlutfallslega eru kristnir mun færri í [[Asía|Asíu]] og [[Afríka|Afríku]] en en í hinum álfunum en þar eru þó margir kristnir, meðal annars í [[Eþíópía|Eþíópíu]], þar sem kristni hefur verið við lýði frá 330.