„Napata“: Munur á milli breytinga

'''Napata''' var borg í [[Núbía|Núbíu]] á vesturbakka [[Níl|Nílar]] nálægt nútímabænum [[Karima]] í norðurhluta [[Súdan]]. Borgin var stofnuð af egypska faraónum [[Tútmósis 3.]] á [[15. öldin f.Kr.|15. öld f.Kr.]] nálægt fjallinu [[Jebel Barkal]] sem myndaði suðurlandamæri [[Egyptaland hið forna|Egyptalands hins forna]]. Árið [[1075 f.Kr.]] urðu [[æðstuprestar Amons í Þebu]] valdameiri en [[faraó]] í [[Efra Egyptaland|Efra Egyptalandi]]. Í kjölfarið molnaði ríkið og [[þriðja millitímabilið]] hófst. Á þeim tíma stofnuðu íbúar Núbíu sjálfstætt ríki, [[Kús]], með Napata sem höfuðborg. Um þremur öldum síðar lögðu Núbíumenn Egyptaland undir sig og mynduðu [[Tuttugasta og fimmta konungsættin|25. konungsættina]]. [[Assyría|Assýringar]] bundu enda á yfirráð Núbíumanna yfir Egyptalandi en Kús lifði áfram sem sjálfstætt konungsríki í kringum borgirnar Napata og [[Meróe]] í margar aldir eftir það.