„Kæfisvefn“: Munur á milli breytinga

Algengasta, áhrifamesta og öruggasta meðferðin við kæfisvefni er notkun [[svefnöndunartæki]]s. Við meðferðina er notað tæki (CPAP-Continuous Positive Airway Pressure) sem tekur inn loft gegnum síu og blæs því lofti undir þrýstingi í gegnum slöngu/barka í [[öndunargríma|öndunargrímu]] sem sofið er með. Þrýstingur loftsins heldur öndunarveginum opnum og kemur þannig í veg fyrir að hann falli saman og að hlé verði á önduninni með tilheyrandi falli í súrefnismettun og truflun á svefni. Hægt er að líkja áhrifum loftsins við það að spelku hafi verið komið fyrir í kokinu. Við vissar aðstæður hefur reynst vel að meðhöndla kæfisvefn með sérstökum lausum [[bitgómur|bitgómi]], sem festist við efri og neðri tanngarð og heldur hökunni frammi í svefni. Einstaka sinnum eru gerðar skurðaðgerðir á fólki með kæfisvefn og er þúþá [[úfur]]inn og hluti af mjúka gómnum fjarlægður til að minnka þrengsli í koki.