Yngveldur fagurkinn

Yngveldur fagurkinn Ásgeirsdóttir er helsta kvenhetja Svarfdæla sögu. Hún var dóttir Ásgeirs rauðfelds bónda í Brekku í Svarfaðardal og Þórhildar konu hans. Hún var systir Miðfjarðar-Skeggja. Bræður Yngveldar voru Þorleifur jarlsskáld og Ólafur völubrjótur. Yngveldur var kvenna fegurst. Hún var ástkona Ljótólfs goða en giftist síðar berserknum og skáldinu Klaufa Hafþórssyni nauðug. Bræður hennar vógu hann, eftir það giftist hún Skíða ráðsmanni Ljótólfs og átti með honum þrjá syni. Þau bjuggu í Skíðadal. Örlög Yngveldar voru dapurleg. Hún var ofsótt af ribböldum, synir hennar voru vegnir og sjálf var hún seld í þrældóm en komst þó aftur heim í Svarfaðardal buguð af harðræði og andaðist þar.

Yngveldur hefur verið mönnum hugstæð. Jóhann Sigurðsson ritaði um hana tveggja binda skáldsögu og söngurinn Mál er í meyjar hvílu, sem Karlakór Dalvíkur hefur flutt, er um Yngveldi.