„Sturlunga saga“: Munur á milli breytinga

'''Sturlunga''' eða '''Sturlunga saga''' er [[Ísland|íslenskt]] fornrit sem greinir frá valdabaráttu höfðingjaætta, sókn konungsvalds og kirkju og endalokum [[Þjóðveldisöld|þjóðveldis]]. Sturlunga dregur nafn sitt af ætt [[Sturlungar|Sturlunga]], en svo voru afkomendur [[Hvamm-Sturla|Sturlu Þórðarsonar]] í [[Hvammur í Dölum|Hvammi í Dölum]] nefndir. Hún er mikilvæg heimild um [[Saga Íslands|sögulega viðburði á Íslandi]] og veitir innsýn í hugmyndaheim og lífsskoðun Íslendinga á [[13. öld]]. Hún er rituð af ýmsum höfundum en þekktastur er [[Sturla Þórðarson]] (1214 – 1284) og er hann talinn hafa lagt mest af mörkum til ritsins.

 

Sturlunga segir frá lífi Íslendinga á Íslandi og voru frásagnir hennar ritaðar á [[13. öld]] líkt og [[Íslendingasögur]]. En það sem greinir Sturlungu frá Íslendingasögunum er sú staðreynd að sögurnar greina frá löngu liðnum atburðum, sem flestir gerðust á [[9. öld|9.]] og [[10. öld]] en Sturlunga saga skýrir frá atburðum á [[12. öld|12.]] og [[13. öld]]. Íslendingasögur fjalla um atburði úr fortíð en Sturlunga er að nokkru samtímaheimild og segir frá atburðum úr samtíð höfunda. Höfundar Sturlungu byggja frásögnina á eigin reynslu eða á ferskum [[munnmæli|munnmælum]] um atburðina.

 

Helstu sögur í Sturlungu eru Íslendinga saga eftir Sturlu Þórðarson, Þorgils saga og Hafliða, Prestssaga [[Guðmundur Arason (biskup)|Guðmundar Arasonar]], [[Þórður kakali|Þórðar saga kakala]], [[Þorgils skarði|Þorgils saga skarða]] og [[Svínafell í Öræfum|Svínfellinga saga]]. Enn fremur eru þar Sturlu saga, [[Geirmundur heljarskinn|Geirmundar þáttur heljarskinns]], [[Guðmundur dýri|Guðmundar saga dýra]] og [[Hrafn Sveinbjarnarson|Hrafns saga Sveinbjarnarsonar]].

 

 

== Heimildir ==