Árgerði í Svarfaðardal

Árgerði í Svarfaðardal er bær og gamalt læknissetur skammt sunnan við Dalvík. Upphaflega var Árgerði hjáleiga frá Böggvisstöðum. Þar var lengi stundaður hefðbundinn búskapur en jörðin er lítil. Búskapurinn lagðist af um miðja 20. öld. Árgerði varð læknissetur þegar Sigurjón Jónsson var skipaður héraðslæknir í Svarfdælahéraði árið 1905. Sigurjón bjó í Árgerði til 1938 er hann fékk lausn frá embætti og flutti til Reykjavíkur. Ingimar Óskarsson náttúrufræðingur frá Klængshóli bjó í Árgerði 1938-1945. Daníel Á. Daníelsson settist síðan að í Árgerði 1945 með fjölskyldu sinni skömmu eftir að hann var skipaður héraðslæknir á Dalvík. Daníer var skáld og ljóðaþýðandi og heima í Árgerði þýddi hann m.a allar sonnettur Williams Shakespeares.