„Þverárvirkjun“: Munur á milli breytinga

Þverá sem áður rann úr Þiðriksvallavatni var stífluð og tekin í gegnum vatnspípu niður að Þverárvirkjun og rennur nú út í [[Húsadalsá]] í gegnum virkjunina. Stíflan sem upphaflega var byggð í gjúfri Þverár var að hluta til [[bogastífla]], 17 metra löng og 10 metra há, sú fyrsta sinnar tegundar á landinu. Veggþykkt í boganum var 60 sm og heildarlengd stíflunnar var 34 [[metri|metrar]]. Við þessar framkvæmdir hækkaði vatnsyfirborð Þiðriksvallavatns úr 78,5 m hæð yfir sjávarmáli í 82,5 metra og vatnið stækkaði úr 1,55 í 1,8 [[ferkílómetri|ferkílómetra]]. Tún bæjanna [[Þiðriksvellir|Þiðriksvalla]] og [[Vatnshorn]]s framan við Þiðriksvallavatn fóru þá undir vatn, en þeir höfðu skömmu áður farið í eyði. Stíflan var svo hækkuð lítilega í nokkrum áföngum næstu áratugina, m.a. [[1963]].

Ný 500 metra löng [[jarðvegsstífla]] var byggð af [[Ístak]] árið [[2000]] og er gamla steypta stíflan hluti af henni. Með byggingu stíflunnar hækkaði yfirborð Þiðriksvallavatns um 6 metra og vatnsmagnið sem nýtist virkjuninni tvöfaldaðist. Yfirborð vatnsins er við þessa breytingu orðið 90 metrar yfir sjávarmáli og flatarmálið 2,7 ferkílómetrar. Náttúrulegt [[yfirfall]] fyrir virkjunina er í svonefndu Kotskarði. Hugmyndin er að með þessum framkvæmdum tvöfaldist árleg orkuframleiðsla Þverárvirkjunar og verði um 8,5 GWh[[gígavattstundir]].