„Reykjanesskagi“: Munur á milli breytinga

[[Mynd:Suðurnes.png|thumb|right|Reykjanesskagi]]

 

Gróft séð er skaginn um 50 km langur og 20 km breiður eða um 1000 ferkílómetrar, sem samsvarar lauslega reiknað 1% af landinu. Hann einkennist af fjöllum, sem eru flest frekar lág [[móberg]]sfjöll, mynduð við gos undir jökli á [[ísöld]], og [[hraun]]um, sem runnið hafa bæði fyrir [[landnám]] og á sögulegum tíma. Skaginn er frekar gróðursnauður en þó má finna þar ótrúlegan tegundafjölda ef vel er að gáð. Jarðfræðilega er svæðið mjög athyglisvert og ennfremur er það kjörið til [[útivist]]ar og gönguferða.

[[Mynd:Salt lake at Reykjanesskagi.jpg|thumb|Á Reykjanesi]]

Helstu fjöll á Reykjanesskaga vestanverðum eru [[Langahlíð]] (sem blasir við frá Reykjavík), [[Vatnshlíð]] (austan við [[Kleifarvatn]]), [[Sveifluháls]] og [[Núpshlíðarháls]] (sem einnig heita Austurháls og Vesturháls) og er norðurendi þess síðarnefnda [[Trölladyngja]] og [[Grænadyngja]], [[Keilir]], [[Fagradalsfjall]], [[Þorbjörn (fjall)|Þorbjörn]] (Þorbjarnarfell) og [[Festarfjall]]. Mörg fleiri mætti nefna, en þau eru smærri.

 

Á Reykjanesskaga eru mörg byggðarlög. Að slepptu höfuðborgarsvæðinu öllu (sem fræðilega tilheyrir skaganum) eru þar [[Vatnsleysuströnd]] og [[Vogar]], [[Reykjanesbær]] ([[Keflavík]], Ytri- og Innri [[Njarðvík]] og [[Hafnir]]), [[Garður]], [[Sandgerði]] og [[Grindavík]] auk [[Keflavíkurflugvöllur|Keflavíkurflugvallar]], en þar var allstórt byggðarlag á íslenskan mælikvarða meðan þar var [[Keflavíkurstöðin|herstöð]] [[Bandaríkjaher]]s. Einu nafni eru þessi byggðarlög oft nefnd [[Suðurnes]] og er heildaríbúafjöldi um 17500 manns og fer vaxandi. Að auki bjuggu lengi í [[Keflavíkurstöðin]]ni við flugvöllinn allt að 5000 bandarískir hermenn og skyldulið þeirra frá [[1951]] til [[2006]] þegar herstöðin var lögð niður. Atvinnulífið byggist mest á [[sjósókn]] og [[Fiskvinnsla|fiskvinnslu]] í smærri byggðunum, en á [[Iðnaður|iðnaði]], [[Þjónusta|þjónustu]] og [[verslun]] í Reykjanesbæ, sem er eins konar höfuðstaður svæðisins.

 

[[Mynd:Reykjanesvirkjun.JPG|thumb|Reykjanesvirkjun]]

Öll þessi byggðarlög eru kynt með heitu vatni frá [[Hitaveita Suðurnesja|Hitaveitu Suðurnesja]] í [[Illahraun]]i. Hún er reyndar oft kennd við [[Svartsengi]], þar sem fyrstu tilraunaholur voru boraðar áður en vinnsla hófst, en á endanum var orkuverið reist í Illahrauni, sem ber nafn með rentu. Affallsvatn frá Hitaveitunni myndar [[Bláa lónið]], sem nú er einhver fjölsóttasti ferðamannastaður á Íslandi bæði af innlendum og erlendum ferðamönnum. Lónið þykir vera [[heilsulind]] og er meðal annars notað við lækningu á sjúkdómnum [[psoriasis]] og ýmsum [[húðútbrot]]um og [[exem]]um.

[[fi:Reykjanes]]

[[fr:Reykjanes]]

[[it:Reykjanes]]

[[ja:レイキャネース半島]]