„Sækónguló“: Munur á milli breytinga

'''Sækóngulær''' ([[fræðiheiti]]: ''pantopoda'' einnig nefndar ''pycnogonids'') teljast til fylkingar [[Liðdýr|liðdýra]] í undirfylkingunni [[klóskerar]]. Þekktar eru um 1300 tegundir og eru litaafbrigði þeirra misjöfn eins og þau eru mörg, en flestar þeirra eru fölar og litlausar en til eru afbrigði sem eru græn, gul, rauð, fjólublá og í fleiri litum.

Kviður sækóngulóa er frá 1 mm til 10 mm og langir grannir útlimir ganga út úr kviðnum. Þó að yfirleitt séu sækóngulær frekar litlar eru til dæmi um einhver afbrigðitegundir sem eru stærri, til að mynda hafa veiðst tegundir við [[Antartíka|Antartíku]] þar sem fótur kóngulóa hefur mælst 70 cm, sækóngulær eru yfirleitt með 4 útlimapör en þó eru afbrigði með 5 og 6 útlimapörum vel þekkt. Blóðrásar og taugakerfi sækóngulóarinnar er lítið og einfalt eins og stærð hennar gefur tilefni til, hjartað dælir blóðinu um baklæga æð og í blóðhol, og taugakerfið er með kviðlægann taugastreng líkt og hjá öðrum klóskerum.

Flestar eru sækóngulær [[rándýr]]. Þær eru og botndýr og finna sér oftast fylgsni undir steinum og grjóti. Helsta fæða sækóngulóa er [[holsepi]], [[mosadýr]], [[kórall]], [[burstaormur|burstaormar]] og [[svampdýr]]. Sækóngulær bryðja fæðuna með kokinu/kverkunum. Sækóngulær eru einkynja dýr.