Munur á milli breytinga „Vínarfundurinn“

Í byrjun [[19. öld|19. aldar]] höfðu herir Frakka farið sigurför um Evrópu undir stjórn [[Napóleon Bónaparte|Napóleons Bónaparte]]. Hann hafði verið æðsti maður hersins árið [[1796]] og var orðinn hæstráðandi í Frakklandi aðeins þremur árum síðar. Þegar veldi Napóleons var í hámarki árið [[1812]] náði það, ásamt ríkjum bandamanna þess og leppríkjum, yfir mestan hluta meginlands Evrópu. Þann [[31. mars]] [[1814]] riðu [[Alexander I]] Rússakeisari og [[Friðrik Vilhjálmur III]] Prússakóngur inn í París og var Napóleon neyddir til að segja af sér og sendur í útlegð til eyjarinnar Elbu. Var þá ákveðið að stórveldin [[Rússaveldi|Rússland]], [[Prússland]], [[Bretland]] og [[Austurríki-Ungverjaland|Austurríki]] skyldu setjast að samningaborðinu til að semja um friðarskilmála fyrir Frakka. Nokkrar sáttagerðir höfðu átt sér stað áður en að Vínarfundurinn var boðaður, þar á meðal [[Kiel sáttmálinn]] sem sá um mál í [[Skandinavía|Skandinavíu]] og [[fyrri Parísarfriðurinn]] sem var undirritaður [[30. maí]] [[1814]] á milli [[Frakkland]]s og sjötta sambandshersins. Fulltrúarnir í París gerðu einnig frumdrög að nýrri ríkjaskipan Evrópu, en sammæltust um að hittast á nýjan leik í Vínarborg þá um haustið til að ganga endanlega frá því máli.
== Samningsaðilar ==
* [[Rússaveldi]] - [[Alexander I|Alexander keisari]] var eini þjóðhöfinginn ríkjanna sem var einnig fulltrúi þess. Keisarinn notfærði sér Vínarfundinn til þess að sækjast eftir markmiðum utanríkisstefnu Rússlands. Alexander krafðist þess að allt [[Pólland]] kæmi í hlut Rússa en síðan á [[18. öld]] höfðu pólsk yfirráðasvæði verið í eigu Austurríkis og Prússlands.
* [[Prússland]] - [[Karl Ágúst von Hardenberg]] var kanslari Prússlands frá árinu [[1810]] og var aðalsamningsaðili þeirra. [[Friðrik Vilhjálmur III]] Prússakóngur var þakklátur Rússakeisara fyrir að hafa frelsað land sitt frá [[Napóleon]]i og þurfti Hardenberg þá að styðja álit Rússa í viðræðunum. Hardenberg heimtaði þó að [[Saxland]] kæmi undir prússneskt yfirráðasvæði til þess að bæta upp fyrir rússneska innlimun á Póllandi.
* [[Austurríki]] - [[Klemens von Metternich]] fursti var utanríkisráðherra Austurríkis og vildi hann koma á jafnvægi milli stórveldanna til þess að halda friði í Evrópu. Hann óttaðist vestræna útþenslustefnu Rússlands og vildi að stórt ríki í mið-Evrópu yrði stofnað og ætlaði hann að ná aftur austurrískum yfirráðum yfir [[Ítalía|ítölsku]] ríkjunum.
* [[Bretland]] - [[Viscount Castlereagh]] var utanríkisráðherra Breta og vildi hann, eins og Metternich, koma á jafnvægi milli evrópskra stórvelda.
 
== Heimildir ==
<references/>
2.436

breytingar