„Húsabakki í Svarfaðardal“: Munur á milli breytinga

'''Húsabakki''' er hinn gamli barna- og unglingaskóli [[Svarfaðardalshreppur|Svarfaðardalshrepps]]. Þetta var heimavistarskóli sem hóf göngu sína 1955 en var lagður af eftir miklar deilur 2004. Félagsheimilið og íþróttahúsið [[Félagsheimilið Rimar|Rimar]] eru á sama stað og voru hluti af skólabyggingunum. Þarna var einnig til húsa bókasafn sveitarinnar. Skólabyggingarnar standa á brattri brekkubrún við jaðar [[Friðland Svarfdæla|Friðlands Svarfdæla]] neðan þjóðvegarins sunnan við [[Tjörn í Svarfaðardal|Tjörn]]. Á síðustu árum hefur verið ýmis konar starfsemi á staðnum, samkomuhald, gistiþjónusta, aðstaða fyrir fundi, ráðstefnur, námskeið og fleira. [[Bandalag íslenskra leikfélaga]] hélt þar leiklistarskóla á hverju sumri frá 1997-2009. Nú er þar gistiheimili, sjá [http://www.husabakki.is www.husabakki.is]], fuglasafn og sýning og aðstaða fyrir fræðimenn í náttúrufræðum.