„Kristinn H. Gunnarsson“: Munur á milli breytinga

Kristinn hóf feril sinn í stjórnmálum hjá [[Alþýðubandalagið|Alþýðubandalaginu]] en hann var bæjarfulltrúi fyrir flokkinn í bæjarstjórn [[Bolungarvík|Bolungarvíkur]] á árunum [[1982]]-[[1998]]. [[Alþingiskosningar 1991|1991]] náði hann kjöri á Alþingi í [[Vestfjarðakjördæmi]]. [[1998]] sagði hann skilið við Alþýðubandalagið, gekk í [[Framsóknarflokkurinn|Framsóknarflokkinn]] og náði kjöri fyrir hann í [[Alþingiskosningar 1999|kosningunum 1999]]. Síðan [[2003]] hefur Kristinn verið þingmaður Norðvesturkjördæmis. Samstarf Kristins og þingflokks Framsóknarflokksins var oft örðugt en hann lét gjarnan í ljós aðrar skoðanir á málum eins og fjölmiðlamálinu og Íraksmálinu en aðrir þingmenn flokksins. Í september [[2004]] ákvað þingflokkurinn að Kristinn myndi ekki sitja í neinum nefndum fyrir flokkinn vegna „trúnaðarbrests“ milli flokksins og hans.<ref>{{Vefheimild|url=http://mbl.is/mm/frettir/innlent/frett.html?nid=1104637|titill=mbl.is - Trúnaður milli Kristins H. Gunnarssonar og þingflokks Framsóknar „brostinn“|mánuður=28. september|ár=2004|mánuðurskoðað=21. maí|árskoðað=2007}}</ref> Á þingflokksfundi í maí 2005 var það þó samþykkt að Kristinn tæki sæti í tveimur nefndum. Í prófkjöri Framsóknarflokksins í Norðvesturkjördæmi fyrir [[Alþingiskosningar|alþingiskosningarnar 2007]] bauð Kristinn sig fram í fyrsta sæti listans gegn [[Magnús Stefánsson|Magnúsi Stefánssyni]] félagsmálaráðherra en beið lægri hlut og lenti raunar í þriðja sæti. Skömmu síðar gekk hann til liðs við Frjálslynda flokkinn og tók annað sætið á lista frjálslyndra í norðvestri á eftir formanninum [[Guðjón Arnar Kristjánsson|Guðjóni Arnari Kristjánssyni]]. Í kosningunum 2007 náði hann svo kjöri fyrir þriðja stjórnmálaaflið á sínum þingmannsferli. Hann var ekki í kjöri í alþingiskosningunum 2009 eftir að hann sagði skilið við Frjálslynda flokkinn og reynt fyrir sér í prófkjöri Framsóknarflokksins þar sem hann lenti í 8. sæti af 9 frambjóðendum.