„Kristín Guðbrandsdóttir“: Munur á milli breytinga

Kristín var dóttir [[Guðbrandur Þorláksson|Guðbrandar Þorlákssonar]] biskups á [[Hólar (í Hjaltadal)|Hólum]] og Halldóru Árnadóttur konu hans. Síðsumars [[1594]] kom Ari í Ögri, sem var þá einn helsti höfðingi landsins og hafði erft mikinn auð við lát föður síns um vorið, til Hóla með fríðu föruneyti til að biðja Kristínar. Biskup mun hafa tekið því dræmt því hann átti í útistöðum við [[Jón Jónsson (lögmaður)|Jón lögmann]], föðurbróður Ara. Sagt er að Ari hafi þá riðið á brott en Kristín hafði séð hann út um glugga á biskupssetrinu og litist vel á manninn og þegar faðir hennar sagði henni hvert erindi hans hefði verið gat hún talið hann á að láta senda eftir biðlinum aftur. Var kaupmáli þeirra gerður á Hólum [[22. september]] 1594. Ari lofaði við það tækifæri biskupi að vera börnum herra Guðbrands til styrks og forsvars utanlands og innan, hvað honum er mögulegt og við hverja, sem er að eiga. Ekki þótti Ari þó efna það loforð vel.