„Arngrímur Jónsson lærði“: Munur á milli breytinga

Arngrímur fæddist á [[Auðunarstaðir|Auðunarstöðum]] í [[Víðidalur|Víðidal]], sonur Jóns Jónssonar bónda þar og Ingibjargar Loftsdóttur, en flutti ungur til frænda síns, [[Guðbrandur_Þorláksson_biskup|Guðbrands Þorlákssonar]] biskups á [[Hólar_í_Hjaltadal|Hólum]]. Hann varð stúdent úr [[Hólaskóli (1106-1802)|Hólaskóla]] [[1585]] og fór til náms í [[Kaupmannahafnarháskóli|Kaupmannahafnarháskóla]], kom aftur til Íslands [[1589]] og fékk þá [[konungsveiting]]u fyrir brauðinu Mel í Miðfirði en hafði þar aðstoðarprest og var sjálfur [[rektor]] á Hólum til [[1594]]. Varð formlega skipaður aðstoðarmaður Guðbrands biskups af konungi árið [[1596]] og var eftir það viðloðandi Hóla þótt hann gengdi jafnframt prestsembættum í Skagafirði, lengst af á [[Mælifell (Skagafirði)|Mælifell]]i. Hann fór tvisvar til Kaupmannahafnar í erindum biskups. Guðbrandur fékk slag 1624 og lá rúmfastur eftir það. Hann lést [[1627]] og ári síðar fékk Arngrímur aftur veitingu fyrir Melstað og var prestur þar til dauðadags.

 

Arngrímur átti í miklum bréfaskiptum við [[Ole Worm]] og skrifaði mikið af lærðum ritum. Sérstaka eftirtekt hlutu rit hans um íslensk efni s.s. ''Brevis commentarius'' og ''Crymogæa''. ''Crymogæa'' er fyrsta samfellda [[Íslandssaga]]n, en átti upphaflega að vera lært svar við ritum erlendra manna um Ísland. Eftir Arngrím liggja einnig margar þýðingar á guðsorðabókum og [[sálmar]].