„Gospeltónlist“: Munur á milli breytinga

Svart gospel þróaðist að hluta til frá kristnum þrælum frá vestur Afríku sem sungu saman úti á ökrunum. Þeir notuðu söngvana til þess að eiga samskipti við hverja aðra. Kristileg lofgjörð varð mjög stór partur af afrísku samfélagi. Gospelið heyrðist fyrst í afrísk-amerískum kirkjum á fjórða áratug. Nú til dags er svart fólk í kirkjukórum sem syngur í messum það sem flestir hugsa um þegar talað er um svart gospel. Hvítt gospel byrjaði á seinni hluta 19. aldar og var gert vinsælt af frægum hvítum söngvurum eins og til dæmis Elvis Presley. Flytjendur hvíta gospelsins nutu mikilla vinsælda en flytjendur svarta gospelsins áttu erfiðara með að finna sér áheyrendur. Mörgum fannst auðveldara að flytja jazz lög eða blús heldur en gospel tónlist. Aðeins nokkrum svörtum flytjendum tókst að láta ljós sitt skína fyrir 1950. Gospel tónlist var í rauninni fyrst almennilega kynnt til sögunnar þegar Elvis Presley varð frægur og fór að syngja mikið í gospel stílnum. Hann hafði alist upp við að hlusta á svarta gospel tónlist. Svo fóru fleiri frægir söngvarar að taka upp gospel tónlist, til dæmis Ray Charles, Aretha Franklin, og margir fleiri og það hjálpaði mikið til við að kynna gospel fyrir almenningi.Um 1970 hafði hvíta gospelið þróast aðeins yfir í nútímalegri tónlist. Eftir að kirkjum og ungmenna lofgjörðarsamkomum fjölgaði varð ákveðin tegund af gospel tónlist sem kallast „Lofum og tilbiðjum“ einnig mjög vinsæl. Gospel blús kom fram á sama tíma og venjulegur blús og nafnið segir í rauninni til um hvers konar gospel það er. Allar hinar gerðirnar af gospel eru í raun ekki eins útbreiddar og þessar sem ég er búin að nefna.

[[Mahalia Jackson]] (1911- – 1972) var mjög fræg gospel söngkona á meðal unga fólksins þá. Hún skrifaði undir samning hjá Columbia Records á 6. áratugnum og hún hélt áfram að rísa. Hún kom fram í „Ed Sullivan Show“ og fékk það tækifæri að syngja rétt áður en Dr. Martin Luther King, jr. fór með frægustu ræðuna sína, „I have a dream“. Hún söng svo lag eftir Dorsey í jarðarför Kings.

[[Clara Ward]] (1924- – 1973) og hljómsveitin hennar „the Clara Ward Singers“ voru með það markmið að flytja orð Guðs til fólksins sama hvar þau voru, jafnvel á nætur klúbbum. Clara Ward hafði bein áhrif á gospel feril Marion Williams, en hann söng með hljómsveitinni hennar á einum tímapunkti, og hún hafði einnig mikil áhrif á Little Richard og Aretha Franklin, en hún sagði að Clara Ward væri átrúnaðargoðið sitt.

Tímabilið frá 1945- – 1965 er oft talað um sem gullöld gospel tónlistarinnar vegna þeirra gífurlegu vinsælda sem stefnan hlaut á þessum árum og mikillar grósku í plötuupptökum og margar nýjar hljómsveitir voru stofnaðar. Á þeim tíma voru söngvarar eins og Mahalia Jackson og hljómsveitir eins og Swan Silvertones, the Caravans, the Clara Ward Singers og the Original Gospel Harmonettes við lýði. En þó hefur líka verið sagt að gullöld gospel tónlistar sé fimmti sjötti og sjöundi áratugurinn og ekki er alveg víst hvort sé réttara. Árið 1995 skrifaði Horance Clarence Boyer bókina „The Golden Age of Gospel“ þar sem hann kynnir sögu svarta gospelsins og fram yfir gullöldina. Hann kynnir mjög marga helstu tónlistarmenn stefnunnar og segir frá sérstökum stíl hvers og eins þeirra.