„John Steinbeck“: Munur á milli breytinga

Efni eytt Efni bætt við
JanusChrist (spjall | framlög)
Þýðing af ensku wiki
JanusChrist (spjall | framlög)
Þýðing af ensku wiki
Lína 33:
Árið 1919 útskrifaðist Steinbeck frá framhaldsskólanum í Salinas og sótti [[Stanford-háskóli|Stanford-háskóla]] með hálfum hug þar til hann hætti án þess að útskrifast 1925. Hann ferðaðist til [[New York-borg|New York]] til að eltast við draum sinn að gerast rithöfundur og framfleytti sér með ýmsum óhefðbundnum störfum. Honum mistókst að fá verk sitt útgefið og snéri við til Kaliforníu þremur árum seinna og vann um tíma í fiskeldi og sem leiðsögumaður í [[Tahoe borg]] í Kaliforníu. Á því tímabili kynntist hann fyrri konu sinni, Carol Henning.<ref name="Novels for Students">Novels for Students (2012). Gale Cengage.</ref><ref>DeMott, R. Introduction to The Grapes of Wrath (1992), Penguin Publishing.</ref><ref name="Jackson">Benson, Jackson J., The True Adventures of John Steinbeck, Writer (1984), The Viking Press.</ref> Þau giftust í janúar 1930.
 
Mestan hluta [[Kreppan mikla|kreppunnar miklu]] bjuggu Carol og Steinbeck í litlu húsi sem faðir hans átti í [[Pacific Grove]], Kaliforníu. Eldri fjölskyldumeðlimir útveguðu honum frían eldivið, pappír fyrir handritin hans og nauðsynleg peningalán seinni hluta 1928 sem gaf Steinbeck svigrúm til að hætta íþyngjandi lagervinnu í [[San Francisco]] og einbeita sér að sinni iðn.<ref name="Jackson"></ref>
 
Árið 1935 kom út [[Tortilla Flat]], fyrsta heppnaða skáldsagan hans sem kom honum úr tiltölulegri fátækt og gaf honum færi á að byggja sumarhús í [[Los Gatos]]. Árið 1940 fylgdi Steinbeck vini sínum og áhrifavaldi [[Ed Ricketts]] sjávarlíffræðingi í sjóleiðangur um [[Kaliforníuflói|Kaliforníuflóa]] til að safna lífrænum sýnum. Bókin [[The Log from the Sea of Cortez]] er byggð á þessum leiðangri. Carol slóst með í för en þau áttu í erfiðleikum í hjónabandinu á þessum tíma og sóttu um skilnað undir lok ársins 1941 en á þeim tíma var Steinbeck að vinna við handritið að bókinni.<ref name="Jackson"></ref>
Lína 44:
Í maí 1948 snéri Steinbeck við til Kaliforníu eftir að náin vinur hans, Ed Ricketts, lenti í alvarlegu slysi þar sem lest keyrði á bílinn hans. Ricketts dó nokkrum klukkutímum fyrir komu Steinbeck. Í þessari sömu ferð bað Gwyn, konan hans, um skilnað. Steinbeck reyndi að telja henni hughvarf en skilnaðurinn gekk endanlega í gegn í ágúst sama ár. Samkvæmt eigin frásögn gekk Steinbeck í gegnum slæmt þunglyndi það sem eftir lifði árs.
 
Í júní 1949 hitti Steinbeck Elaine Scott, leikhússtjóra, á veitingastað í Carmel Kaliforníu. Steinbeck og Scott giftust í desember 1950 innan við viku eftir að Elaine Scott hafði gengið frá skilnaði við leikarann Zachary Scott. Þetta var þriðja hjónaband Steinbeck sem hélst allt þar til hann lést 1968.<ref name="Parini">Parini, J. John Steinbeck: A Biography (1996), Holt Publishing.</ref>
Árið 1966 ferðaðist Steinbeck til [[Tel Aviv]] til að heimsækja samyrkjubú stofnað í [[Ísrael]] af afa hans.
John Steinbeck lést úr hjartaáfalli í New York 20. Desember 1968. Hann var 66 ára gamall og hafði reykt stóran hluta ævinnar. Krufning staðfesti að dánarorsökin væri kransæðastífla.
Líkið var brennt samkvæmt hans eigin ósk og ker sem innihélt ösku hans var á endanum jarðsett þann 4. Mars 1969 í fjölskyldugrafreitnum í kirkjugarðinum í Salinas þar sem foreldrar hans voru grafin. Þriðja konan hans, Elaine, var jarðsett á sama stað árið 2004.<ref name="Journey"></ref> Stuttu fyrir dauða sinn hafði Steinbeck skrifað til síns læknis að hann fyndi sterkt fyrir því að ekkert tæki við af líkamlegum dauða og að það þýddi endirinn á tilvistinni.<ref name="PariniJourney">PariniShillinglaw, JS., JohnA Steinbeck:Journey Ainto BiographySteinbeck's California (19962006),. HoltRoaring Publishing.Forties Press</ref>
 
== Ritferill ==
Fyrsta skáldsaga John Steinbeck hét ''[[Cup of Gold]]'' og var gefin út 1929. Hún byggir lauslega á æviskeiði sjóræningjans [[Henry Morgan]] sem rommtegundin [[Captain Morgan]] heitir eftir. Bókin fjallar að mestu leyti um árás og rányrkju Henry Morgan á borgina [[Panamaborg|Panama]] og leitin að konunni sem var fallegri en sólin en samkvæmt orðrómi átti hún heima þar.<ref name="Parini"></ref> Titill bókarinnar er skírskotun til Panamaborgar.
 
Eftir ''Cup of Gold'' skrifaði Steinbeck þrjú styttri verk á tímabilinu 1931 til 1933. The ''[[Pastures of Heaven]]'', gefin út 1932, samanstóð af tólf samofnum sögum um dal nærri Monterey sem spænskur liðþjálfi uppgötvaði er hann var elta uppi indíánaþræla sem höfðu flúið úr ánauð. Árið 1933 gaf Steinbeck út ''[[The Red Pony]]'', 100 blaðsíðna verk sem fjallaði um minningar hans af æskuslóðum.<ref name="Parini"></ref> Þriðja bókin ''[[To a God Unknown]]'' fylgir eftir lífi jarðareiganda og fjölskyldu hans í Kaliforníu. Bókin tekur á málefnum eins og hvernig trú hefur mismunandi áhrif á fólk og samband bóndans við jörðina sína.
 
Steinbeck hlaut fyrst almenna hylli fyrir ''[[Tortilla Flat]]'' (1935).<ref name="Parini"></ref> Bókin er um líf heimilis- og stéttarlausa ungra manna í Monterey eftir [[Fyrri heimsstyrjöldin|fyrri heimsstyrjöldina]] rétt fyrir [[Áfengisbannið í Bandaríkjunum|áfengisbannið í Bandaríkjunum]]. Rótlaust líferni sögupersónanna sem snúa baki við hefðbundnu lífi bandarísks samfélags gengur út á vín og smáþjófnaði þar sem hópsamstaðan virðist eina dyggðin. Gerð var samnefnd mynd eftir bókinni 1942 þar sem [[Spencer Tracy]], [[Hedy Lamarr]] og [[John Garfield]], vinur Steinbeck, léku aðalhlutverkið.<ref name="IMDB Tortilla">Internet Movie Database. [http://www.imdb.com/title/tt0035460/ IMDB - Tortilla Flat (1942)]</ref>
 
Nokkrar af næstu bókum Steinbeck fjölluðu um fólk sem hafði orðið illa út úr þurrkum með tilheyrandi uppskerubresti á svokölluðu [[Dust Bowl]] tímabili rétt eftir kreppuna miklu sem leiddi til mikilla fólksflutninga bænda og verkafólks til Kaliforníu í leit að betra lífi. ''[[In Dubious Battle]]'', ''Mýs og menn'' og ''Þrúgur reiðinnar'' eru dæmi um Dust Bowl skáldsögur sem Steinbeck skrifaði. ''Mýs og menn'' og ''Þrúgur reiðinnar'' nutu mikilla vinsælda.<ref name="Parini"></ref>
 
''Mýs og menn'' var sett á svið í New York og hlaut mikið lof þar sem [[Broderick Crawford]] lék Lennie, þroskaheftan en líkamlega kraftmikinn verkamann og [[Wallace Ford]] lék félaga hans, George. Steinbeck skrifaði handritið að verkinu en neitaði alla tíð á meðan á sýningum stóð að sjá flutning þess í New York og útskýrði fyrir leikstjóranum, [[George Kaufman|George S. Kaufman]], að í huga hans væri leikritið fullkomið og að horfa á flutning þess á leiksviði gæti aðeins valdið honum vonbrigðum. Steinbeck átti seinna eftir að skrifa tvö önnur leikverk, ''[[The Moon is Down]]'' og ''[[Burning Bright]]''.
 
Bíómynd var gerð eftir ''Mýs og menn'' tveimur árum eftir útgáfu bókarinnar þar sem [[Lon Chaney]] lék Lennie og [[Burgess Meredith]] lék George.<ref name="IMDB Mýs og Menn">Internet Movie Database. [http://www.imdb.com/title/tt0031742/ IMDB - Of Mice and Men (1939)]</ref> Myndin fékk fjórar [[Óskarsverðlaunin|óskarstilnefningar]]. Steinbeck fylgdi vinsældunum eftir með ''Þrúgur reiðinnar'' árið 1939 en hún byggðist á fréttagreinum sem hann hafði skrifað í San Francisco. Skáldsagan fékk Pulitzer verðlaunin og hefur af mörgum verið talið hans best verk. Gerð var eftirtektarverð mynd eftir bókinni sem [[John Ford]] leikstýrði. [[Henry Fonda]] lék í henni og fékk hann óskarstilnefningu sem besti leikarinn í aðalhlutverki.<ref name="IMDB Þrúgur Reiðinnar">Internet Movie Database. [http://www.imdb.com/title/tt0032551/ IMDB - Grapes of Wrath (1940)]</ref>
 
Þrátt fyrir vinsældir bókarinnar var hún umdeild vegna pólitískra skoðanna Steinbeck, gagnrýnin sýn hans á kapítalisma og samúð hans á bágborinni stöðu verkafólks. Þetta leiddi til andstöðu gegn höfundinum, sérstaklega á heimaslóðum. Bókin var sögð óviðeigandi og lýsa kringumstæðum á heimahögum á villandi hátt sem leiddi til þess að hún var bönnuð í almenningsskólum og bókasöfnum á heimaslóðum í ágúst 1939. Banninu var aflétt í janúar 1941.<ref name="Banned">Steinbecks works banned [http://web.archive.org/web/20061005171237/http://home.pacific.net.au/~greg.hub/banned.html]</ref>
 
Vegna þessara hörðu viðbragða skrifaði Steinbeck í kjölfarið: „The vilification of me out here from the large landowners and bankers is pretty bad. The latest is a rumor started by them that the Okies hate me and have threatened to kill me for lying about them. I'm frightened at the rolling might of this damned thing. It is completely out of hand; I mean a kind of hysteria about the book is growing that is not healthy.“
 
{{Stubbur|bókmenntir}}