„Johan Cruyff“: Munur á milli breytinga

'''Johan Cruyff''' (fullt nafn: Hendrik Johannes Cruijff) (f. [[25. apríl]] [[1947]] í [[Amsterdam]]) var hollenskur knattspurnumaður og þjálfari, sem lék aðallega með [[Ajax Amsterdam]] og [[FC Barcelona|Barcelona]]. Hjá báðum félögum var hann síðar meir þjálfari. Cruyff hefur löngum þótt einn allra snjallasti miðvörður sögunnar.{{heimild vantar}} Þrisvar var hann kjörinn [[Gullknötturinn|knattspyrnumaður ársins í Evrópu]] og einnig knattspyrnumaður aldarinnar. Með landsliði [[Holland]]s komst Cruyff í úrslit á HM 1974.

[[1964]] fékk Cruyff að leika sinn fyrsta leik í Eredivisie (hollensku 1. deildinni), er liðið lék gegn FC Groningen. Leikurinn tapaðist 1-3, en Cruyff skoraði þar sitt fyrsta mark. Cruyff þótti afar grannur og fáir trúðu því að hann ætti eftir að ná langt.{{heimild vantar}} Fyrir leiktíðina 1965-66 fékk Cruyff samning og varð þar með loks atvinnumaður. Stjórn félagsins fannst ekki mikið til um þennan unga mann koma, ekki síst sökum þess að hann reykti.{{heimild vantar}} Þegar nýr þjálfari, [[Rinus Michels]], var ráðinn til liðsins í [[janúar]] [[1965]] breyttist allt. Michels trúði á Cruyff og lét hann byggja upp vöðva með sér æfingum, ásamt daglegu skógarhlaupi. Samfara þessu breytti Michels gjörvallri skipulagningu liðsins. Cruyff var settur á miðjuna og varð leikstjórnandi. Árangurinn lét ekki á sér standa. [[1966]] varð Ajax hollenskur meistari. Þau ár sem Cruyff lék með félaginu ([[1965]]-[[1973]]), varð Ajax ávallt hollenskur meistari (6sex sinnum), nema einu sinni. Auk þess varð hann á þessum tíma fjórum sinnum bikarmeistari með liðinu. Johan Cruyff varð skjótt að einum mesta knattspyrnusnillingi Hollendinga, þrátt fyrir að þjóðin hafi ávallt átt úrvals knattspyrnumönnum að skipa. Af öðrum þekktum knattspyrnumönnum í liðinu má nefna, [[Johan Neeskens]], [[Arie Haan]], [[Ruud Krol]] og [[Johnny Rep]]. Öll ár Cruyffs með Ajax var leikið í Evrópukeppni. [[1969]] komst félagið í úrslit, en tapaði þar fyrir [[AC Milan]]. En þetta var aðeins byrjunin. [[1971]], [[1972]] og [[1973]] náði Ajax þeim ótrúlega árangri að verða Evrópumeistar í þrjú skipti í röð. 1971 sigraði liðið [[Panathinaikos Aþena|Panathinaikos Aþenu]] 2-0. 1972 sigraði það [[Inter Milan]] 2-0. Í þeim leik skoraði Cruyff bæði mörk Ajax. 1973 sigraði liðið [[Juventus]] 1-0. Auk þess varð Ajax heimsbikarmeistari 1972 með sigri á Independiente frá [[Argentína|Argentínu]]. Þessi tími hefur verið kallaður gullaldarár Ajax, en félagið var orðið eitt allra besta félagslið heims. Johan Cruyff var leikstjórnandi liðsins og var valinn knattspyrnumaður ársins í Evrópu 1971 og 1973. Strax á fyrsta atvinnumannaárinu hjá Ajax var Cruyff kallaður í landslið Hollands. Fyrsti leikur hans var [[7. september]] 1966. Leikið var í forkeppni EM gegn [[Rúmenía|Rúmeníu]] og lyktaði leiknum með 2-2 jafntefli. Í öðrum leik sínum fékk Cruyff að líta rauða spjaldið og varð því fyrsti Hollendingurinn í sögunni sem vísað var af velli í landsleik. Í kjölfarið setti hollenska knattspurnusambandið Cruyff í ársbann fyrir landsleiki. Cruyff var alla tíð mjög gagnrýnin á knattspyrnusambandið og það pirraði hann mjög að Holland skyldi ekki hafa komist í úrslitakeppni HM síðan [[1938]]. Á HM 1970 í [[Mexíkó]] var Holland einnig fjarri góðu gamni.

Þjálfarinn Rinus Michels hafði tekið að sér að þjálfa Barcelona og var áfjáður í að fá til sín fyrrum nemanda sinn, snillinginn Cruyff. Undir lok síðasta keppnistímabils síns í Ajax hafði Cruyff verið ósáttur. Þegar Michels falaðist eftir honum, sló hann til. Barcelona keypti Cruyff á metfé og varð hann til skamms tíma dýrasti knattspyrnumaður heims. Fyrsti leikur hans fyrir Barcelona var í [[október]] 1973 og skoraði hann strax tvö mörk í 4-0 sigri á Granada. Cruyff smellpassaði í liðið. Það spilaði 24 leiki í röð án taps og niðurlægði [[Real Madrid]] með 5-0 sigri á Bernabéu. Cruyff varð spænskur meistari strax á fyrstu leiktíð með Börsungum. Mikil stemning varð í kringum snillinginnhann og hlaut hann viðurnefnið ''El Salvador'' (''Lausnarinn''). Auk þess varð Cruyff valinn knattspyrnumaður ársins í Evrópu [[1974]]. Sama ár komst Holland í fyrsta sinn í langan tíma í úrslitakeppni HM í [[Þýskaland]]i. Í milliriðli sigruðu Hollendingar meðal annars [[Argentína|Argentínu]] og [[Brasilía|Brasilíu]], og komust í úrslit. Þar lentu þeir í harðri rimmu við Þjóðverja. Fyrir leikinn hafði Cruyff sagt: ''‚Þeir„Þeir geta ekki unnið okkur, en við getum tapað fyrir þeim.‘''“{{heimild vantar}} Það fór enda svo að Þjóðverjar sigruðu leikinn 2-1. Cruyff varð því aldrei heimsmeistari, en stóð með silfrinu á hátindi ferils síns. Cruyff spilaði með Börsungum til [[1978]], en náði ekki að sigra deildina aftur. Hins vegar varð hann bikarmeistari með liðinu á síðasta árinu. Eftir sigurinn lýsti hann því óvænt yfir að hann sé nú hættur að spila knattspyrnu. [[28. maí]] 1978 var haldinn kveðjuleikur fyrir hann á Camp Nou þar sem Barcelona lék gegn Ajax. Cruyff lék einn hálfleikinn með sitthvoruhvoru liðinuliði fyrir sig. Hann tók ekki þátt í HM í Argentínu þetta árið.

Öllum að óvörum dúkkaði Cruyff upp í [[Bandaríkin|Bandaríkjunum]] í upphafi árs [[1979]] og hóf að spila með Los Angeles Aztecs. Áður höfðu snillingarmenn á borð við [[Franz Beckenbauer]], [[Gerd Müller]] og [[George Best]] spilað með bandarískum liðum. Eftir fyrsta árið í [[Los Angeles]] var Cruyff kjörinn knattspurnumaður ársins í Bandaríkjunum. Síðara árið lék hann með Washington Diplomats. Þegar félagið komst í fjárhagsvandræði yfirgaf Cruyff liðið og fór heim til Evrópu.

Cruyff var í viðræðum við enska liðið [[Leicester City]]. Samningar tókust hins vegar ekki og því byrjaði hann að leika með spænska félaginu Levante árið [[1981]], en það lék þá í 2. deild. En sökum tíðra meiðsla og ósætti við stjórnina lék hann einungis tíu leiki. Levante náði ekki að komast í 1. deild og því yfirgaf Cruyff félagið eftir tímabilið.

Allt útlit var fyrir því að Cruyff væri hættur að leika knattspyrnu. Í [[nóvember]] 1981 var hann hins vegar ráðinn sem íþróttaráðunautur þjálfarans [[Leo Beenhakker]]s. [[6. desember]] reimdi hann á sig skóna og lék sjálfur fyrir félagið í annað sinn á ferlinum. Liðið spilaði gegn FC Haarlem. Cruyff skoraði tvö mörk í 4-1 sigri. Sem leikstjórnandi tókst honum að verða hollenskur meistari á ný [[1982]]. Árið [[1983]] gerði liðið gott um betur og varð bæði meistari og bikarmeistari. Þrátt fyrir það ákvað stjórnin hins vegar að endurnýja ekki samning sinn við Cruyff í lok keppnistímabilsins 1983. Hundfúll yfirgaf hann félagið og réði sig hjá erkifjendunum í [[Feyenoord]].

Með Feyenoord spilaði Cruyff einungis eitt keppnistímabil, 1983-84. Hann var orðinn 37 ára gamall, en enn í fantaformi. Hann var potturinn og pannan í leik liðsins, sem fyrir vikið varð bæði hollenskur meistari og bikarmeistari. Í lok tímabilsins var Cruyff á ný kjörinn knattspyrnumaður ársins í Hollandi. Síðasti leikur hans sem knattspyrnumaður var gegn Zwolle [[13. maí]] [[1984]]. Í Feyenoord kynntist Cruyff hinum kornunga [[Ruud Gullit]], sem seinna meir kvæntist Estelle Cruyff, frænku Johans.

* '''Hollenskur meistari''' (9): 1966, 1967, 1968, 1970, 1972, 1973, 1982, 1983, 1984

* '''Hollenskur bikarmeistari''' (6): 1967, 1970, 1971, 1972, 1983, 1984

* '''Spænskur meistari''' (1): 1974

* '''Spænskur bikarmeistari''' (1): 1978

* '''Evrópumeistari félagsliða''' (3): 1971, 1972, 1973

* '''Sigurvegari í Super Cup í Evrópu''' (2): 1972, 1973

* '''Heimsbikarmeistari''' (1): 1972

* '''Markakóngur Hollands''' (2): 1967 (33 mörk), 1972 (25 mörk)

* '''Knattspyrnumaður ársins í Evrópu''' (3): 1971, 1973, 1974

* '''Knattspyrnumaður ársins í Bandaríkjunum''' (1): 1979

* '''Knattspyrnumaður ársins í Hollandi''' (1): 1984

* '''Knattspyrnumaður aldarinnar í Evrópu''': 1999

* '''Silfurverðlaunafi á HM 1974'''

Johan Cruyff sneri enn á ný til Ajax sumarið [[1985]], en að þessu sinni sem eftirmaður þjálfarans og lærimeistara síns Rinus Michels. Cruyff notaði kerfið sem Michels hafði komið á með Ajax og þróaði það enn frekar. Í þau þrjú ár sem hann þjálfaði liðið missti hann ætíð naumlega af meistaratitlinum, en varð þó tvisvar bikarmeistari. [[1987]] varð Ajax meira að segja Evrópumeistari bikarhafa með 1-0 sigri á Lokomotive Leipzig. Í liðinu þjálfaði hann marga unga menn sem seinna voru kallaðir í hollenska landsliðið. Má þar nefna leikmenn eins og [[Marco van Basten]], [[Frank Rijkaard]] og [[Dennis Bergkamp]]. [[1988]] sneri El Salvador aftur til Barcelona sem þjálfari. Í stað þess að nota stjörnur eins [[Bernd Schuster]] og [[Gary Lineker]], ákvað Cruyff að setja traust sitt á leikmenn á borð við [[Pep Guardiola|Guardiola]], [[Albert Ferrer|Ferrer]] og son sinn [[Jordi Cruyff]]. Einnig náði hann í nýja leikmenn, eins og [[Hristo Stoitchkov]], [[Ronald Koeman]] og [[Michael Laudrup]]. Árangurinn var frábær. [[1989]] varð Barcelona Evrópumeistari bikarhafa eftir 2-0 sigur á [[Sampdoria Genua]] í úrslitaleik. 1991-94 varð Barcelona fjórum sinnum spænskur meistari í röð, 1990 bikarmeistari, 1992 Evrópumeistari (síðasta árið áður en [[Meistaradeild Evrópu|meistaradeildin]] var stofuð) og sama ár sigruðu Börsungar Super Cup keppnina í Evrópu með sigri á [[Borussia Dortmund]] í tveimur úrslitaleikjum. Johan Cruyff er því sigursælasti knattspyrnuþjálfari sem Barcelona hefur átt. Vendipunkturinn kom í úrslitaleik meistaradeildarinnar [[1994]], er Börsungar steinlágu fyrir AC Milan 0-4. Liðið náði ekki að vinna neina titla í tvö ár. Cruyff reyndi að endurnýja mannskapinn, en lenti í ósætti við stjórnina. Honum var sagt upp störfum [[18. maí]] [[1996]]. [[1999]] sneri Cruyff sér aftur að þjálfun, er knattspyrnusamband [[Katalónía|Katalóníu]] (héraðið í kringum [[Barcelona]]) réði hann sem landsliðsþjálfara. Katalónía er þó eingöngu með óopinbert lið (enda ekki sjálfstætt ríki) og leikur eingöngu vináttuleiki. Sama ár, 1999, var Johan Cruyff kjörinn knattspyrnumaður aldarinnar í Evrópu, eini maðurinn sem hlotið hefur slíkan heiður.

* '''Hollenskur bikarmeistari''' (2): 1986, 1987

* '''Spænskur meistari''' (4): 1991, 1992, 1993, 1994

* '''Spænskur bikarmeistari''' (1): 1990

* '''Evrópumeistari bikarhafa''' (2): 1987, 1989

* '''Evrópumeistari meistaraliða''' (1): 1992

* '''Sigurvegari í Super Cup í Evrópu''' (1): 1992

* Johan Cruyff var reykingamaður alla sína tíð. Jafnvel meðan hann sýndi snilli sína á knattspyrnuvellinum keðjureykti hann. Stundum kveikti hann sér í sígarettu meðan hálfleikur stóð yfir í leik. Í febrúar 1991, meðan hann þjálfaði Barcelona, fékk hann hjartaáfall og þurfti að fara í hjáveituaðgerð. Eftir það hætti hann öllum reykingum.

* Árið 1996 var hollenska Super Cup keppnin (milli meistara og bikarmeistara síðasta keppnistímabils) nefnt eftir Cruyff og heitir í dag Johan Cruyff bikarinn (''Johan Cruijff Schaal'').

* Hin árlegu verðlaun fyrir efnilegustu leikmenn í hollensku deildinni kallast Johan Cruyff verðlaunin (''Johan Cruijff Prijs'').

* Johan Cruyff er nafngefandi fyrir tvo háskóla í Amsterdam (''Johan Cruyff College'' og ''Johan Cruyff University''. Í himingeimnum er [[smástirni]] nefnt eftir Cruyff, honum til heiðurs (smástirnið 14282).

[[Flokkur:Hollenskir knattspyrnumenn|Cruyff, Johan]]