„Forseti fulltrúadeildar Bandaríkjaþings“: Munur á milli breytinga

Það ber að nefna að Clay hafði til að mynda mikil áhrif á niðurstöðu kosninganna til embættis [[Forseti Bandaríkjanna|forseta Bandaríkjanna]] árið [[1824]]. Enginn frambjóðenda hlaut meirihluta kjörmanna í þeirri kosningu og samkvæmt stjórnarskrá var það því í höndum fulltrúadeildar að kjósa forseta Bandaríkjanna. Ákvörðun Clay að styðja [[John Quincy Adams]] er talin hafa ráðið úrslitum í því að Adams sigraði.

 

Þingforseti hefur þó nokkur völd þó þau hafi raunar verið takmörkuð í seinni tíð. Þingforseti er, líkt og aðrir þingmenn, fulltrúi síns fylkis og á að gæta hagsmuna þess en hann tekur þó sjaldan þátt í umræðum né kýs, nema þegar atkvæði hans gæti haft úrslitaáhrif eða í mikilvægum málefnum eins og stjórnarskrárbreytingum. Þingforsetinn er annar í röðinni til forsetaembættisins á eftir [[Varaforseti Bandaríkjanna|varaforsetanum]] ef [[Forseti Bandaríkjanna|forseti]] deyr, er leystur frá störfum, segir af sér eða annað kemur í veg fyrir að forseti geti sinnt starfi sínu. Það gerir þingforseta að þriðja æðsta manni ríkisins.

 

Stjórnarskrá Bandaríkjanna gerir engar kröfur til forseta fulltrúadeildarinnar er snúa að hlutleysi og hefur sú hefð myndast í gegnum tíðina að forsetinn er flokkshollur. Slíkt er í skarpri andstæðu við, til að mynda, forseta neðri-málstofu [[Breska þingið|breska þingsins]]. Forseti fulltrúadeildarinnar telst leiðtogi flokks síns innan þingsins og er staðan jafnan talin sú valdamesta innan flokksins. Forsetinn stýrir málum í lagasetningu en hefur hefur jafnframt kosningarétt og ávarpsrétt þó að mjög sjaldgæft að forsetinn kjósi um málefni eða taki þátt í umræðum á þingi.

 

Meðal þekktra þingforseta má nefna [[Repúblikanaflokkurinn|repúblíkanann]] [[Thomas Brackett Reed]] sem var þingforseti á árunum [[1889]]–[[1891]] og [[1895]]–[[1899]] en hann hafði mikil áhrif á embættið með því víkka út völdin sem því fylgdu. Hann ruddi þannig brautina fyrir komandi þingforseta en [[Joseph Gurney Cannon]] sem varð þingforseti á árunum [[1903]] til [[1911]] var einn þeirra sem nýtti sér það mjög. Hann er oft talinn öflugasti þingforseti í sögu Bandaríkjanna en hann stjórnaði hvaða frumvörp voru rædd og hvernig, hann ákvað hvers konar breytingar mætti gera á frumvörpum og hvernig skyldi kosið um þau. Þannig hafði Cannon gríðarleg völd yfir þinginu.

 

* {{cite book|last1 = Katz| first1 = Richard S.|title = Political Institutions in the United States|publisher = Oxford University Press|date = 2007|accessdate = 13. október |accessyear=2010|isbn = 9780199283835}}

 

* [http://www.speaker.gov/''Speaker Nancy Pelosi'']

* [http://en.wikipedia.org/wiki/Speaker_of_the_United_States_House_of_Representatives''Wikipedia: Speaker of the United States House of Representatives'']

[[he:יושב ראש בית הנבחרים של ארצות הברית]]

[[id:Ketua Dewan Perwakilan Rakyat Amerika Serikat]]

[[ja:アメリカ合衆国下院議長]]

[[ms:Speaker Dewan Perwakilan Amerika Syarikat]]