„Lenínskólinn“: Munur á milli breytinga

'''Lenínskólinn''' var einn af leynilegum byltingarskólum sem Alþjóðasamband kommúnista, [[Komintern]], rak í [[Moskva|Moskvu]]. Hann var stofnaður 1926 í framhaldi af samþykkt Kominterns um aukinn aga og öflugri byltingaranda í einstökum aðildarflokkum sambandsins. Frá 1926 til 1938 fengu um þrjú þúsund kommúnistar þjálfun í þessum skóla og tveimur öðrum, Austurskólanum, sem ætlaður var byltingarmönnum frá [[Kína]] og öðrum austlægum löndum, og [[Vesturskólinn|Vesturskólanum]]|, sem hafði svipað hlutverk og Lenínskólinn.

[[Kommúnistaflokkurinn]] íslenski, sem var deild í Komintern, sendi um tuttugu Íslendinga í Lenínskólann og [[Vesturskólinn|Vesturskólann]]. Þar á meðal voru Benjamín H. J. Eiríksson, síðar bankastjóri, og Hallgrímur Hallgrímsson, sem tók þátt í spænska borgarastríðinu. Ýmsir nemendur úr skólunum sátu í miðstjórn [[Kommúnistaflokkurinn|Kommúnistaflokksins]] og síðar [[Sósíalistaflokkurinn|Sósíalistaflokksins]], Dýrleif Árnadóttir, Eggert Þorbjarnarson, Stefán Pjetursson, Hjalti Árnason, [[Ásgeir Blöndal Magnússon]] og Þóroddur Guðmundsson. Tveir nemendur í þessum byltingarskólubyltingarskóla sátu á þingi fyrir [[Sósíalistaflokkurinn|Sósíalistaflokkinn]], Steingrímur Aðalsteinsson og Þóroddur Guðmundsson.

Nemendur lærðu sögu [[Sovétríkin|Sovétríkjanna]], [[Marxismi|marxísk]] fræði og hagfræði, en hlutu einnig þjálfun í vopnaburði og skipulagningu óeirða. Einn kennari þeirra var finnski kommúnistinn Tuure Lehén, sem var herforingi í [[Rauði herinn|Rauða hernum]] og innanríkisráðherra í finnsku leppstjórninni, sem [[Stalín]] myndaði eftir innrásina í [[Finnland]] 1939.

* [[Arnór Hannibalsson]]: ''Moskvulínan''. Reykjavík 1999: Nýja bókafélagið.

* [[Hannes H. Gissurarson]]: „Í þjálfunarbúðum byltingarmanna: Íslendingar í Lenínskólanum og Vesturskólanum í Moskvu,“ ''Þjóðmál 4'' (4: vetur 2008), 70–86.

* [[Jón Ólafsson]]: ''Kæru félagar''. Reykjavík 1999: Mál og menning.

* [[Þór Whitehead]]: ''Sovét-Ísland. Óskalandið''. Reykjavík 2010: Ugla.