„Þuríður Sigurðardóttir“: Munur á milli breytinga
Efni eytt Efni bætt við
Ekkert breytingarágrip |
|||
Lína 8:
Árið 1965 sagði söngurinn til sín og Þuríður hóf upp raust sína á skemmtistaðnum [[Lídó]]. Hún sló í gegn og var drifin í stúdíó þar sem hún söng með [[Lúdó og Stefán|hljómsveitinni Lúdó og Stefáni]] lagið „Elskaðu mig“ inn á plötu. Lagið varð geysivinsælt og framtíðin brosti við hinni sextán ára gömlu söngkonu. Í framhaldinu hóf hún að syngja með [[Hljómsveit Magnúsar Ingimarssonar]] og varð það að fimm ára farsælu samstarfi. Hljómsveitin lék einkum á skemmtistaðnum [[Röðull|Röðli]] (við Brautarholt) sem var opinn alla daga vikunnar. Ásamt Þuríði söng [[Vilhjálmur Vilhjálmsson]] með hljómsveitinni. Árið 1969 kom út fyrsta tveggja laga sólóplata Þuríðar með lögunum, "Ég ann þér enn" og "Ég á mig sjálf". Platan og söngurinn hlutu lof gagnrýnenda og í vinsældakosningum var hún valin "Vinsælasta söngkona ársins" og platan "Hljómplata ársins". Eftir árin með Hljómsveit Magnúsar Ingimarssonar söng Þuríður með ýmsum hljómsveitum og listamönnum svo sem; [[Hljómsveit Ingimars Eydal]], [[Ragnar Bjarnason|Ragnari Bjarnasyni]], [[Gunnar Þórðarson|Gunnari Þórðarsyni]], [[Jón Páll Bjarnason|Jóni Páli Bjarnasyni]] og [[Pálmi Gunnarsson|Pálma Gunnarssyni]] í hljómsveitinni [[Íslandía]].
Þuríður og Pálmi felldu hugi saman og rugluðu reytum. Saman gáfu þau út tvær hljómplötur; "Þuríður og Pálmi syngja lög eftir Gunnar Þórðarson" sem kom út hjá [[SG hljómplötur|SG hljómplötum]] 1972 og "Þuríður og Pálmi" sem kom út hjá [[Fálkinn|Fálkanum]] 1973.
== Feðgin syngja saman ==
Árið 1971 kom út á vegum [[SG hljómplötur|SG hljómplatna]] platan "Feðginin Sigurður og Þuríður syngja saman", SG 042. Um tilurð þeirrar plötu sagði útgefandinn.
{{tilvitnun2|Ég hitti kunningja minn, [[Sigurður Ólafsson|Sigurð Ólafsson]], á götu snemma á árinu 1971 og tók hann tali. Spyr hann, meðal annars, hvenœr hann hafi sungið inn á sína síðustu plötu. Hann fer yfir þetta í huganum og við verðum sammála um, að sennilega séu rúmlega tíu ár síðan. En á árunum 1955—60 kom út hver hljómplatan á fætur annarri með Sigurði, sem allar náðu miklum vinsœldum og heyrast margar hverjar enn þann dag í dag í útvarpinu. Ég skýt því að Sigurði, ef til vill meira í gamni en alvöru, að það sé svo sannarlega kominn tími til að hann syngi inn á eina plötu í viðbót. Hann þverneitaði, sagðist varla opna munninn, vera að verða 55 ára og þar að auki nýstaðinn upp úr veikindum. Þegar ég hafði heyrt þessar fortölur þá varð þetta orðið meira í alvöru en gamni hjá mér, og samtalinu lauk með því, að ég tók loforð af Sigurði um að hann myndi syngja inn á enn eina plötu, þó með því skilyrði, bœtti hann við, að hún [[Þuríður Sigurðardóttir|Þuríður]] hjálpaði sér í nokkrum lögum.|[[Svavar Gests]]}}
== Útgefið efni ==
| |||