„Þuríður Sigurðardóttir“: Munur á milli breytinga

Þuríður Svala Sigurðardóttir er fædd í Reykjavík 23. Janúar 1949. Foreldrar hennar eru [[Sigurður Ólafsson]] söngvari (f, 4. Desember 1916 – d, 13. júlí 1993) og [[Inga Valfríður Einarsdóttir]], kölluð Snúlla (f, 10. nóvember árið 1918). Þuríður ólst upp við söng og hestamennsku í Laugarnesinu í Laugarnesbænum, sem stóð á móts við þar sem nú eru gatnamót Sæbrautar og Laugarnesvegar.
== Tónlistarerill ==
Árið 1965 sagði söngurinn til sín og Þuríður hóf upp raust sína á skemmtistaðnum [[Lídó]]. Hún sló í gegn og var drifin í stúdíó þar sem hún söng með [[Lúdó og Stefán|hljómsveitinni Lúdó og Stefáni]] lagið „Elskaðu mig“ inn á plötu. Lagið varð geysivinsælt og framhaldið varð fimm ára farsælt samstarf með [[hljómsveit Magnúsar Ingimarssonar]]. Hljómsveitin lék einkum á skemmtistaðnum [[Röðull|Röðli]] (við Brautarholt) sem var opinn alla daga vikunnar. Ásamt Þuríði söng [[Vilhjálmur Vilhjálmsson]] með hljómsveitinni. Árið 1969 kom út fyrsta tveggja laga sólóplata Þuríðar með lögunum, "Ég ann þér enn" og "Ég á mig sjálf". Platan og söngurinn hlutu lof gagnrýnenda og í vinsældakosningum var hún valin "Vinsælasta söngkona ársins" og platan "Hljómplata ársins". Eftir árin með Hljómsveit Magnúsar Ingimarssonar söng Þuríður með ýmsum hljómsveitum og listamönnum svo sem; [[Ragnar Bjarnason|Ragnari Bjarnasyni]], [[Gunnar Þórðarson|Gunnari Þórðarsyni]], [[Jón Páll Bjarnason|Jóni Páli Bjarnasyni]] og [[Pálmi Gunnarsson|Pálma Gunnarssyni]] í hljómsveitinni [[Íslandía]].