„Jóhanna Guðrún Jónsdóttir“: Munur á milli breytinga

Jóhanna Guðrún fæddist í [[Kaupmannahöfn]] í [[Danmörk]]u þann [[16. október]] [[1990]]. Foreldrar hennar voru Jón Sverrir Sverrisson, rafmagnsfræðingur, og Margrét Steinþórsdóttir, hjúkrunarfræðingur. Hún segist hafa byrjað að syngja áður en hún lærði að tala.{{heimild vantar}} Fjölskyldan flutti til [[Reykjavík]]ur þegar hún var aðeins tveggja ára gömul og bjó þar í sex ár en fluttist þá til [[Hafnarfjörður|Hafnarfjarðar]]. Jóhanna stefndi alltaf að því að verða söngkona frá því að var ungbarn. „Það kom aldrei neitt annað til greina hjá mér en að syngja og ég hafði alltaf mjög mikinn áhuga á því að syngja fyrir aðra. Alveg frá því að ég var pínulítil.“<ref>Ásgeir Jónsson (17. febrúar 2009), http://www.dv.is/brennidepill/2009/2/17/eg-er-ordin-fullordin/, DV</ref> Áhugi hennar á tónlist óx og þegar hún var átta ára gömul tók hún þátt í söngvakeppni ásamt 100 öðrum börnum. [[María Björk]], söngkennarinn sem stóð fyrir keppninni, varð hrifin af Jóhönnu sem lenti í sjötta sæti og fannst hún vera mjög efnileg. María bauð Jóhönnu inngöngu í söngskólann sinn fyrir börn þar sem hún lærði grundvallaratriðin í flutningi á lögum.<ref>http://www.yohannamusic.com/en/bio, Yohanna Music, 21. júní 2011</ref> Eftir að hafa tekið eitt námskeið í skólanum ákváðu þær María og Jóhanna að gefa út plötu.<ref>Hjördís Rut Sigurjónsdóttir (32. árgangur, 2009) Nýtt Líf</ref>