„Þuríður Einarsdóttir stóra“: Munur á milli breytinga

Þuríður var dóttir Einars Guðmundssonar á Vatnsleysu í [[Biskupstungur|Biskupstungum]] og síðar í [[Haukadalur|Haukadal]]. Ekki er vitað hver móðir hennar var. Hún varð fyrst fylgikona séra [[Þórður Einarsson í Hítardal|Þórðar Einarssonar]], sem var sonur Einars Þórólfssonar hirðstjóraumboðsmanns á Hofsstöðum í Miklaholtshreppi og kounkonu hans Katrínar, dóttur [[Halldór Ormsson|Halldórs Ormssonar]] ábóta á Helgafelli. Þórður var prestur í [[Hítardalur (bær)|Hítardal]], sem var eitt besta brauð landsins og veitt af [[erkibiskup|erkibiskupinum]] í [[Niðarós]]i, og má því gera ráð fyrir að hann hafi verið auðugur og átt töluvert undir sér. Þau áttu saman fimm börn og komust tvær dætur þeirra til aldurs, Þórunn kona séra Finnboga Tumasonar á Hofi í Vopnafirði og Jórunn, kona [[Þórður Guðmundsson (lögmaður)|Þórðar Guðmundssonar]] lögmanns.