„Vatnsfjarðar-Kristín Björnsdóttir“: Munur á milli breytinga

Kristín var dóttir [[Björn Einarsson Jórsalafari|Björns Einarssonar Jórsalafara]] og Solveigar Þorsteinsdóttur konu hans, sem bjuggu í [[Vatnsfjörður (Ísafjarðardjúpi)|Vatnsfirði]] við [[Ísafjarðardjúp]]. Hún átti einn bróður, Þorleif, og segja sögur að hann hafi verið hraustmenni en Kristín heilsuveil og lengi rúmliggjandi á unga aldri. Þorleifur drukknaði við [[Melgraseyri]] uppkominn og er sagt að þegar lík hans var borið heim í Vatnsfjörð hafi Kristínu brugðið svo við að hún reis úr rekkju, var alheilbrigð upp frá því og náði háum aldri. Kristín tók við öllum auði foreldra sinna eftir lát þeirra. Hún erfði marga tugi jarða víðs vegar um Vestfirði og ýmsar aðrar eignir. Mörgum jarðanna fylgdu hlunnindi af fiskveiði, reka og öðru. Kristín þótti skörungur og rausnarkona mikil.

 

 

Synir þeirra Kristínar og Þorleifs voru [[Einar Þorleifsson hirðstjóri|Einar]] hirðstjóri í Vatnsfirði, [[Björn Þorleifsson hirðstjóri|Björn ríki]] hirðstjóri á Skarði, maður [[Ólöf Loftsdóttir|Ólafar ríku Loftsdóttur]], og Árni, sem giftist [[Soffía Loftsdóttir|Soffíu Loftsdóttur]]. Dæturnar voru Helga eldri kona [[Guðmundur Arason ríki|Guðmundar Arasonar]] ríka á Reykhólum, [[Solveig Þorleifsdóttir|Solveig]] húsfreyja í [[Víðidalstunga|Víðidalstungu]] og á [[Breiðabólstaður í Vesturhópi|Breiðabólstað]], kona [[Ormur Loftsson|Orms Loftssonar]], Helga yngri húsfreyja í [[Garpsdalur|Garpsdal]], kona [[Skúli Loftsson|Skúla Loftssonar]], og Guðný í Auðbrekku, kona [[Eiríkur Loftsson slógnefur|Eiríks slógnefs]] Loftssonar. Fimm systkinanna giftust börnum Lofts Guttormssonar.