„Saur“: Munur á milli breytinga

Saur hesta nefnist ''hrossaskítur'' (eða ''hestaskítur''), ''hrossagaddur'', ''hrossatað'' eða bara ''tað'' (sbr. hestar teðja). Frosinn hrossaskítur er stundum nefndur ''gaddur'' eingöngu. Saur kúa nefnist ''kúadella'' (eða ''kúadilla''), ''kúaklessa'' eða ''della'' ef um stakan skít er að ræða, en annars ''mykja''. Saur sauðfénaðar nefnist ''spörð'' ef nokkrar saurkúlur eru saman en annars ''tað''. Orðið ''tað'' er einnig haft um [[Klíningur|klíning]], þ.e. þurrkaðan sauðaskít, sem áður fyrr var mikið notaður sem [[eldiviður]], stundum einnig nefndur skán. Orðið ''dritur'' (eða ''fugladritur'') er haft um skít fugla. Skítur dýra er einnig í mörgum tilfellum kenndur við dýrið sjálft, sbr. ''hundaskítur'', ''kattarskítur'' o.s.frv.