Hringaþinur
Hringaþinur (Abies veitchii; シラビソ or シラベ shirabiso eða shirabe),[3] er þintegund ættuð frá Japan (eyjunum Honshū og Shikoku). Hann vex í rökum jarðvegi í svölum og rökum fjallaskógum í 1500–2800 metra hæð yfir sjó. Hann er mjög skuggþolinn meðan hann er ungur, en er ekki langlífur.
| Veitch's fir | ||||||||||||||
|---|---|---|---|---|---|---|---|---|---|---|---|---|---|---|
 Grein af Hringaþini
| ||||||||||||||
| Ástand stofns | ||||||||||||||
| Vísindaleg flokkun | ||||||||||||||
| ||||||||||||||
| Tvínefni | ||||||||||||||
| Abies veitchii Lindley | ||||||||||||||
| Samheiti | ||||||||||||||
Hringaþinur er hraðvaxta tré sem verður að 25 til 30 metra hár. Krónan er mjókeilulaga með láréttum greinum og hærðum árssprotum. Hárin er stutt og brún. Barrið er nálarlaga og flatt 1 til 3 sm langt og 2mm langt. Það er gljándi dökkgrænt að ofan og með tvær áberandi bláhvítar loftaugarákir að neðan, og endarnir eru sýldir. Barrið er þétt og vísar fram með greinunum. Könglarnir eru purpurabrúnir, sívalir, 4 til 7 sm langir og mjókka upp lítillega. Könglarnir eru uppréttir og eru með lítið eitt útstæð og aftursveigð hreisturblöðkur. Börkurinn er sléttur og ljósgrár, og er með kvoðublöðrur eins og er dæmigert fyrir marga þini.
Það eru tvö afbrigði:
- Abies veitchii var. veitchii. Einlendur á Honshū; Árssprotar þétthærðir. Barrið 1.5 til 3 sm langt; loftaugarásirnar bláhvítar.
- Abies veitchii var. sikokiana (Nakai) Kusaka. Einlendur á Shikoku; NT. Árssprotar gishærðir. Barrið 1 til 2 sm langt; loftaugarásir hvítar. Að mörgu leyti millistig á milli A. v. var. veitchii og Abies koreana, hefur hann verið talinn sem aðskilin tegund (Abies sikokiana) af sumum höfundum.
Viðurinn er sterkur og fjaðrandi, og er notaður í byggingariðnað, kassa, mataráhöld og snældur. Hringaþinur er vinsælt prýðistré og stundum ræktaður sem jólatré.
Heimildir og ytri tenglar breyta
- Katsuki, T., Rushforth, K. & Zhang, D. 2011. Abies veitchii. The IUCN Red List of Threatened Species. Version 2014.3. Downloaded on 26 March 2015.
- Liu, T. S. (1971). A Monograph of the genus Abies. National Taiwan University.
- Coombes, J. Allen (1992). Eyewitness Handbooks: Trees. London & New York: Dorling Kindersley.
- Gymnosperm Database - Abies veitchii
- Abies veitchii - UConn Plant Database
- Abies veitchii - Plants For A Future database report
- Conifers Around the World: Abies veitchii - Veitch Fir Geymt 11 nóvember 2013 í Wayback Machine.
Tilvísanir breyta
- ↑ „Abies veitchii en PlantList“. Afrit af upprunalegu geymt þann 11. nóvember 2018. Sótt 15. janúar 2017.
- ↑ „Abies veitchii“. World Checklist of Selected Plant Families.
- ↑ „BSBI List 2007“. Botanical Society of Britain and Ireland. Afrit af upprunalegu (xls) geymt þann 25. janúar 2015. Sótt 17. október 2014.
