Halla Gunnarsdóttir

Íslenskur blaðamaður, rithöfundur og fyrrverandi aðstoðarmaður ráðherra

Halla Gunnarsdóttir (f. 8. janúar 1981) er íslenskur blaðamaður, rithöfundur, fyrrverandi aðstoðarmaður ráðherra[1] og tekur við starfi framkvæmdastjóra Alþýðusambands Íslands þann 15. apríl 2020.

Halla er kennari að mennt og með meistarapróf í alþjóðasamskiptum frá Háskóla Íslands. Hún starfaði sem blaðamaður á Morgunblaðinu 2003-2009 og frá 2009-2013 var hún aðstoðarmaður Ögmundar Jónassonar í heilbrigðisráðuneytinu og síðar í dómsmálaráðuneytinu.[2] Hún starfaði um tíma sem skrif­stofu­stjóri hjá breska Kvenna­list­anum (The Women’s Equ­ality Par­ty) en þar leiddi hún stefnu­mótun sam­tak­anna. Halla hefur einnig starf­að á alþjóð­legri lög­manns­stofu í Lundún­um, McAll­ister-Oli­vari­us, sem sér­hæfir sig í málum er lúta að kyn­bund­inni áreitni á vinnu­stöð­um, innan mennta­stofn­ana og á inter­net­inu.[3] Frá 2018-2020 var hún ráðgjafi Katrínar Jakobsdóttur forsætisráðherra í jafnréttismálum[3] en í mars árið 2020 var tilkynnt að Halla tæki við stöðu framkvæmdastjóra Alþýðusambands Íslands þann 15. apríl 2020.[4]

Hún hefur gefið út bækurnar Leitin að Fjalla-Eyvindi (ljóðabók, 2007), Slæðusviptingar - raddir íranskra kvenna (2008), Guðrún Ögmundsdóttir - hjartað ræður för (viðtalsbók, 2010) og Tvö jarðarber (ljóðabók, 2013). Auk þess hefur hún skrifað fræðigreinar á sviði öryggis- og varnarmála.

Halla bauð sig fram til formanns KSÍ árið 2007,[5] en laut í lægra haldi fyrir Geir Þorsteinssyni.[6]

Tilvísanir breyta