Húsavíkurhöfðagöng

Húsavíkurhöfðagöng eða Húsavíkurgöng eru jarðgöng sem liggja á milli Húsavíkur og Bakka. Göngin voru opnuð 4.nóvember 2017.[1]

Húsavíkurhöfðagöng

Þau verða ekki opin almennri umferð heldur eru þau eingöngu ætluð vöruflutningum milli hafnarinnar á Húsavík og kísilmálmverksmiðju á Bakka.

Framkvæmdir vegna jarðganganna hófust 2012 þegar gerðar voru jarðfræðirannsóknir og fylgdu ýmsar aðrar rannsóknir seinna þar til undirbúningsframkvæmdir hófust haustið 2015. Gangagerð hófst í mars 2016 og lauk greftri 24. ágúst 2016. Frágangur rafmagns, vegar og annars búnaðar stóð svo fram á haust 2017 þegar göngin voru formlega opnuð.

Heildarlengd ganganna er 943 m að frátöldum vegskálum, en 990m með vegskálum.