Opna aðalvalmynd
Orrustan við Valmy 1792

Frönsku byltingarstríðin eða Frönsku byltingarstyrjaldirnar voru röð átaka milli Fyrsta franska lýðveldisins og nokkurra evrópskra konungsríkja sem hófust í kjölfar Frönsku byltingarinnar og stóðu í tíu ár, frá 1792 til 1802. Með nýjungum í hernaði og almennri herkvaðningu tókst Franska byltingarhernum að vinna sigur á herjum hinna ýmsu hernaðarbandalaga sem beint var gegn þeim og vinna ný lönd í Niðurlöndum, Rínardal og Ítalíu.

Frönsku byltingarstríðunum er venjulega skipt í Fyrsta bandalagsstríðið (1792-1797) og Annað bandalagsstríðið (1798-1801) en Frakkland átti í samfelldu stríði við Bretland frá 1793 til 1802. Stríðinu lauk formlega með friðarsáttmálanum í Amiens 1802 en átök blossuðu aftur upp þegar Napóleonsstyrjaldirnar hófust árið eftir.

  Þessi sögugrein er stubbur. Þú getur hjálpað til með því að bæta við greinina.