Fjarðarfréttir
Fjarðarfréttir eða fjardarfrettir.is er Hafnfirskur fréttamiðill gefinn út af Hönnununarhúsinu ehf.
Blaðið var gefið út vikulega í prentformi á árunum 2016 - 2019.
Fjarðarfréttir komu út sem fréttablað, fyrst árið 1969, og var stofnað af kennurum í Öldutúnsskóla þeim Guðmundi Sveinssyni, Hauki Helgasyni, Ólafi Proppé, Rúnari Brynjólfssyni og Sigurði Símonarsyni. Árið 1983 gáfu útgefendur Fjarðarfrétta, þeir Guðmundur Sveinsson, Ellert Borgar Þorvaldsson og Rúnar út Fjarðarpóstinn sem fyrst kom út hálfsmánaðarlega en Fjarðarfréttir komu áfram út nokkrum sinnum á ári.
Fréttavefurinn breyta
Fréttavefur Fjarðafrétta fór í loftið kl. 13:13, föstudaginn 1. júlí 2016
Útgefandi er Hönnunarhúsið ehf., fyrirtæki í eigu Guðna Gíslasonar sem á rætur að rekja til 1990 og hefur ávallt verið starfandi í Hafnarfirði.
Fjarðarfréttum er ætlað að flytja fjölbreyttar fréttir til Hafnfirðinga og af Hafnfirðingum. Ritstjóri þess er Guðni Gíslason, sem var ritstjóri Fjarðarpóstsins frá 2001 og þar áður sem ritstjóri Skátablaðsins í 10 ár og ritstjóri og útgefandi tímaritsins Ljóss. Einnig hefur hann ritstýrt vefjum fyrir félagasamtök í áratugi.
Frá ársbyrjun 2020 voru Fjarðarfréttir eingöngu fréttavefur sem leitast við að segja fréttir sem eiga erindi til Hafnfirðinga og vini Hafnarfjarðar. En pappírsútgáfa hófst á ný í nóvember sama ár og árið 2021 komu út 8 tölublöð og frá 2022 hefur blaðið komið út 14 sinnum á ári, að jafnaði mánaðarlega.
Fréttavefurinn er uppfærður a.m.k. daglega og er eingöngu kostaður af auglýsingum.