Ernesto García

José Ernesto García Castañeda (26. febrúar 1884 – 28. janúar 1955) var mexíkóskur stjórnmálamaður sem tók þátt sem hermaður í mexíkósku byltingunni og orrustunni við Zacatecas, þar sem hann gegndi starfi sem ofursti.

Ernesto García
Fæddur	26. febrúar 1884 Nieves, Zacatecas, Mexíkó
Dáinn	28. janúar 1955 (70 ára) Nieves, Zacatecas, Mexíkó
Störf	Stjórnmálamaður, hermaður, dómari, búgarðseigandi
Maki	Luciana Segura Burciaga (g. 1914; d. 1942) Rosa Hernández Delgado (m. 1943)

Æska og herár

José Ernesto García Castañeda fæddist þann 26. febrúar 1884 nálægt Nieves, Zacatecas og var annað af sjö börnum (og eina barninu sem lifði til fullorðinsára) José García Ávila (ca. 1855–1935) og fyrstu konu hans Marciana Castañeda Samaniego (1862–1893). Hann var skírður tólf dögum síðar 9. mars í kaþólsku kirkjunni í Santa María de las Nieves. Eftir að Castañeda lést ung af veikindum giftist García aftur Ignacia Balderas Martínez árið 1897 og eignaðist fjögur börn í viðbót áður en hún lést árið 1901. Árið 1910 braust út mexíkóska byltingin og skráði García sig til að hjálpa málstaðnum. Alls tók hann þátt í 29 hernaðaraðgerðum (þar á meðal orrustunni við Zacatecas).

Seinna líf og dauði

Nokkrum dögum eftir orrustuna við Zacatecas snéri hann aftur til Nieves og kvæntist Luciana Segura Burciaga (1890–1942) 15. júlí 1914 (sem var sami dagur og Victoriano Huerta forseti sagði af sér eftir ósigur alríkishersins í orrustunni við Zacatecas). Árið 1930 var García fyrst kjörinn í eitt af mörgum embættum sem forseti sveitarfélagsins Nieves (sem síðan 1963 hefur verið sveitarfélagið General Francisco R. Murguía). Eftir að Segura dó án þess að eignast börn giftist García Rosa Hernández Delgado (1914–1978). Í hjónabandi sínu eignuðust þau 7 börn, þar af 3 enn á lífi sem búa í Mexíkó frá og með 2020. Hinn 28. janúar 1955 lést García úr lungnabólgu 70 ára að aldri.