Eldborg (Krísuvík)

Eldborg eða Stóra Eldborg er brattur gjallgígur við Geitahlíð og er stærstur fimm gíga í gígaröð. Hún er rétt austur af Krýsuvíkvegi og norður af Suðurstrandavegi. Gígurinn var friðlýstur sem náttúruvætti árið 1987. Stærð svæðisins er rúmir 100 ha. Gígurinn er brattur og gerður úr gjalli og kleprum. Austur úr honum liggur myndarlegur hraunfarvegur. Bæði Stóra-Eldborg og Litla-Eldborg eru friðlýstir gjallgígar. Hægt er að ganga upp að Stóru-Eldborg, sem margir telja fegursta gíg Suðvesturlands, og þaðan niður í Litlu-Eldborg þar sem hægt er að sjá ofan í gíginn. Hraunið úr Eldborg er ólivínríkt helluhraun. Það hefur runnið til sjávar fram af Krýsuvíkurbergi austast. Aldur þess er ekki vel þekktur en miðað við þykkan jarðveg ofan á því og veðrun bergsins gæti það verið 7000-8000 ára.

Eldborg undir Geitahlíð

Við Eldborg.

Hraunrás

Tenglar

• Helgi Páll Jónsson (2011). Eldfjallagarður og jarðminjasvæði á Reykjanesskaga. MS-ritgerð (60 ECTS) við Jarðvísindadeild Háskóla Íslands. Reykjavík, Háskóli Íslands.
• VisitReykjanes Eldborg við Geitahlíð^{[óvirkur tengill]}
• UTS - Eldborg Grindavíkurbæ Geymt 15 ágúst 2020 í Wayback Machine