Dýrafjarðargöng

Dýrafjarðargöng eru fyrirhuguð jarðgöng á milli Arnarfjarðar og Dýrafjarðar á Vestfjörðum.[1] Líklegasta vegstæði er frá Mjólká í Arnarfirði að Dýrafjarðarbrú og er þar gert ráð fyrir 5,6 km löngum göngum. Sú leið mun stytta Vestfjarðaveg um 27,4 km.[2] Einnig er þessum jarðgöngum ætlað að leysa af veginn um Hrafnseyrarheiði. Göngin munu liggja frá Dröngum í Dýrafirði að Rauðsstöðum í Borgarfirði (Arnarfirði).

Opnað var fyrir tilboð í göngin 24. janúar 2017[3] og skrifað var undir samning um þremur mánuðum síðar þann 20. apríl.[4] Fyrsta skóflustunga var síðan tekin um miðjan maí 2017[5] og var fyrsta jarðgangasprenging gerð 14. september sama ár.[6] Formlegar framkvæmdir eru núna hafnar við gröft ganganna og eiga göngin að vera fullbúin árið 2020. Áætlað er að göngin muni kosta um 9,2 milljarða kr.[7]

TilvísanirBreyta

Tengt efniBreyta

TenglarBreyta