Búrfell í Svarfaðardal
Búrfell í Svarfaðardal er gömul bújörð í Urðasókn og stendur undir þverbröttum hlíðum Búrfellshyrnu. Bærinn er í um 16 km fjarlægð frá Dalvík og stendur sunnan Svarfaðardalsár milli bæjanna Mela og Hæringsstaða. Í Búrfelli er stórt kúabú.
Utan og ofan við Búrfell er Búrfellsdalur, lítill afdalur, og í botni hans er Búrfellsjökull, sem er þekktur meðal jöklafræðinga því hann er svokallaður hlaupjökull og hleypur fram á nokkurra áratuga fresti.