Útvarpsleikrit

Útvarpsleikrit er leikrit sem flutt er eingöngu sem hljóð í útvarpi af leikurum. Oft er notast við margskonar hljóð til þess að auka á tilfinningu þess sem hlustar.

Útvarpsleikrit náðu fyrst vinsældum á árunum 1920 til 1930. Leikrit hafa verið flutt í Ríkisútvarpinu frá stofnun, 1930 og hafa þau verið vinsæl síðan þá þó að eitthvað sé minna um þau í dag þar sem sjónvarpið er núna orðin mun meira notaður miðill fyrir samskonar skemmtun.

Útvarpsleikhúsið á Rás 1 á hefur framleitt útvarpsleikrit reglulega frá því Þorsteinn Ö. stephensen var ráðinn leiklistarstjóri 1947 og gerir það enn. Það er eina útvarpsstöðinn á Íslandi sem setur upp og útvarpar útvarpsleikrit með reglulegum hætti. Núverandi leiklistarstjóri er Viðar Eggertsson, en hann tók við starfinu 1. janúar 2008.

Leiklistarstjórar RÚV

• Þorsteinn Ö. Stephensen
• Klemenz Jónsson
• Óskar Ingimarsson
• Jón Viðar Jónsson
• María Kristjánsdóttir (1992-2000)
• Hallmar Sigurðsson (2000-2008)
• Viðar Eggertsson (2008-)

Listi yfir útvarpsleikrit

Erlend leikrit

• Hitchhikers Guide to the Galaxy eftir Douglas Adams (1979 og 1980) á BBC
• War of the Worlds eftir Orson Welles (1938)

Íslensk leikrit

• Harrý og Heimir "Svakamálaleikrit í ótrúlega mörgum þáttum" eftir Karl Ágúst Úlfsson og Sigurð Sigurjónsson. Þættirnir voru fluttir á Bylgjunni (1993) á milli 10 og 11 á morgnana, endurfluttir á milli 16 og 17 síðdegis og svo voru allir þættir vikurnar endurfluttir á laugardögum.