Viðskiptafræði er fræðigrein sem fæst við rekstur fyrirtækja. Greinin skiptist í nokkrar megingreinar; stjórnun, reikningshald og markaðsfræði. Þó nær viðskiptafræði einnig til fjölbreyttra sviða sem fela í sér verkefnastjórnun, viðskiptaþróun, gæðastýringu (e. Quality assurance), gagnagreiningu, sölu, upplýsingatækni og hagfræði.

Hafnarsena eftir Abraham Storck

Nauðsynlegt er að ljúka grunnámi í háskóla til að öðlast próf í viðskiptafræði. Námið varir venjulega þrjú ár[1].

Megingreinar breyta

Viðksiptafræði skiptist í nokkrar megingreinar. Þrjár þeirra eru stjórnun, reikningshald og markaðsfræði[1].

Markaðsfræði breyta

Markaðsfræði er fræðigrein sem fjallar um hvernig vara eða þjónusta er kynnt, dreift og seld til viðskiptavina. Hún felst í að skilja þarfir og óskir viðskiptavina, og hvernig best er hægt að mæta þeim með vöru eða þjónustu. Markaðsfræðin notast við ýmsar aðferðir til að ná markmiðum sínum, sem geta verið mismunandi eftir fyrirtækjum, vörum og mörkuðum.

Stjórnun breyta

Stjórnun í samhengi fyrirtækisins felst í að skipuleggja, stýra og hafa eftirlit með starfsemi þess og starfsmannahaldi.

Reikningshald breyta

Reikningshald er bókhald og umsjón fjármála fyrirtækis samkvæmt reikningsskilareglum. Á Íslandi skal lögum samkvæmt framkvæma reikningsskil samkvæmt reglum Reikningsskilaráðs Íslands.

Tenglar breyta

   Þessi grein er stubbur. Þú getur hjálpað til með því að bæta við greinina.
  1. 1,0 1,1 „Viðskiptafræði – Næsta Skref“. Sótt 11. nóvember 2023.