Skeiðahreppur

Skeiðahreppur var sveitarfélag í Árnessýslu sem sameinaðist Gnúpverjahreppi 9. júní 2002 og mynduðu þau Skeiða- og Gnúpverjahrepp.

Skeiðahreppur

Skeiðahreppur er marflatur enda mótaður af bæði Þjórsá og Hvítá sem renna hvor sínum megin við sveitina. Minnsta bil milli ánna er 8 kílómetrar nokkuð sunnarlega í sveitinni. Allra syðst nær Þjórsárhraunið yfir landið. Nyrst setur Vörðufell mikinn svip á landið þar sem það rís um 300 metra yfir landið. Vörðufellið sjálft er 391 m hátt og í dalverpi nokkru er Úlfsvatn; stærsta vatn sveitarinnar. Milli Hvítár og Vörðufells eru Höfðaveitur, en þær eru á náttúruminjaskrá Umhverfisstofnunar. Eru veiturnar nú stærsta votlendi sveitarinnar, eftir að stórt landssvæði var ræst fram á 20. öld.

Sveitin er mikið landbúnaðarsvæði og er þar allmikil mjólkurframleiðsla, sem og hrossarækt. Ekki er hreppurinn mikill sauðfjárræktarhreppur en þó eru Reykjaréttir með elstu varðveittu hlöðnu réttum á Íslandi.

Á Brautarholti var Þjórsárskóli um tíma og áður hét hann Brautarholtsskóli.

Risið hefur upp íbúðahverfi á Brautarholti.

Býli í Skeiðahreppi

Núverandi býli

Andrésfjós Arakot Álfsstaðir Birnustaðir 1 og 2 Björnskot Blesastaðir 1, 1A, 2, IIA og 3 Borgarkot Brautarholt 1-24 Brjánsstaðir

Efri-Brúnavellir 1 og 2 Fjall 1 og 2 Framnes 1 og 2 Hlemmiskeið 1, 1A, 2, 3, 5 og 6 Húsatóftir 1, 2 og 3 Kálfhóll 1 og 2 Kílhraun Langamýri 1 og 2

Miðbýli Minni-Ólafsvellir Norðurgarður Ólafsvellir Ósabakki 1, 2 og 3 Reykhóll Reykir Reykjahlíð

Skeiðháholt 1, 2 og 3 Sléttaból Syðri-Brúnavellir Útverk Vesturkot Vorsabær 1 og 2 Votamýri 1, 2 og III

Eyðibýli

• Mörk

Heimildir

• Oddgeir Guðmundsson, Jón Guðmundsson og Júlíus Jónsson (ritstj.). Sunnlenskar byggðir, 1. bindi; Tungur, Hreppar, Skeið.
• „Aðalskipulag Skeiða- og Gnúpverjahrepps, greinagerð“ (pdf). Sótt 23. febrúar 2006.
• „Bæjartal“. Sótt 4. maí 2006.