Sæluhús

Sæluhús er hús eða gistiskýli í óbyggðum, ætlað til gistingar fyrir ferðalanga. Orðið er gamalt í málinu og er sæluhúsa meðal annars getið á átjándu öld. Eitt af markmiðum Fjallvegafélagsins, sem stofnað var 1831, var að láta reisa sæluhús á fjallvegum.

Skálar Ferðafélags Íslands á Emstrum.

Ferðafélag Íslands hefur reist sæluhús víða í óbyggðum og var það fyrsta byggt í Hvítárnesi 1930. Ferðafélagið og einstakar deildir þess eiga nú 38 skála víða um land. Einnig á ferðafélagið Útivist allnokkra skála. Í sumum skálanna eru skálaverðir á sumrin.

Vegagerðin reisti einnig lítil sæluhús við ýmsa fjallvegi til notkunar sem neyðarskýli en með bættum samgöngum og GSM-sambandi dró úr þörf fyrir þau og nú hafa þau flest verið lögð af og fjarlægð.

Heimildir

• „„Miklar framkvæmdir og bætt þjónusta á afmælisári". Gagnasafn Morgunblaðsins, sótt 15. mars 2011“.
• „„Útlit fyrir fækkun neyðarskýla". Gagnasafn Morgunblaðsins, sótt 27. júní 2011“.