Perlufljót
Perlufljót eða Perluá (kínverska:珠江; rómönskun: Zhū Jiāng; áður þekkt sem Zhujiang; með rómönskun Yue Jiang; áður þekkt sem Kanton áin) er 2.400 kílómetra langt fljót í suðurhluta Alþýðulýðveldisins Kína. Fljótið rennur í Suður-Kínahaf á milli Hong Kong og Makaó. Neðsti hluti fljótsins myndar mjög stórt óshólmasvæði sem kennt er við Perlufljót.
![Perlufljót rennur í gegnum Guangzhou, höfuðborg og stærstu borg Guangdong-héraðs í suðurhluta Kína.](http://upload.wikimedia.org/wikipedia/commons/thumb/9/9d/%E5%B9%BF%E5%B7%9E%E7%8F%A0%E6%B1%9F%E9%A3%8E%E5%85%89Scenery_in_Guangzhou%2C_China_-_panoramio_-_jiang-wen-jie_%286%29.jpg/400px-%E5%B9%BF%E5%B7%9E%E7%8F%A0%E6%B1%9F%E9%A3%8E%E5%85%89Scenery_in_Guangzhou%2C_China_-_panoramio_-_jiang-wen-jie_%286%29.jpg)
![Vatnasvið Perlufljóts er gríðarstórt og nær yfir héraða í Kína og Víetnam.](http://upload.wikimedia.org/wikipedia/commons/thumb/3/3b/Zhujiangrivermap.png/220px-Zhujiangrivermap.png)
![Fljótabátar við sólarupprás á Li-á sem er ein þveráa Perlufljóts.](http://upload.wikimedia.org/wikipedia/commons/thumb/d/d1/Amanecer_con_barcas_navegando_el_r%C3%ADo_Li%2C_afluente_de_la_cuenca_del_r%C3%ADo_de_las_Perlas._%2817404757302%29.jpg/220px-Amanecer_con_barcas_navegando_el_r%C3%ADo_Li%2C_afluente_de_la_cuenca_del_r%C3%ADo_de_las_Perlas._%2817404757302%29.jpg)
![Óseyrasvæði Perlufljóts´, eitt fjölmennasta landssvæði veraldar, séð úr gervihnetti NASA Earth Observatory árið 2014.](http://upload.wikimedia.org/wikipedia/commons/thumb/3/32/2014_NASA_Earth_Observatory_image_of_Pearl_River_Delta.jpg/220px-2014_NASA_Earth_Observatory_image_of_Pearl_River_Delta.jpg)
Perlufljót dregur nafn sitt af perlulituðum skeljum sem liggja neðst í ánni á þeim kafla sem rennur í gegnum borgina Guangzhou.
Nafnið Perlufljót er einnig oft notað fyrir umfangsmikið árkerfi fyrir vatnaskil Xi („Vestur“), Bei („Norður“) og Dong („Austur“) ánna í Guangdong héraði. Þessar ár eru allar álitnar þverár Perlufljóts vegna þess að þær deila sameiginlegum óshólmum á „Óshólmasvæði Perlufljóts“.[1] Þetta óshólmasvæði er margbrotið safn lækja og skurða á milli lítilla hrísgrjónaakra sem vegna 12 mánaða vaxtartímabilsins, standa venjulega undir þremur hrísgrjónauppskerum árlega. Þetta er eitt fjölmennasta svæði Kína, þar sem nútímaiðnaður og landbúnaður hefur þróaðast hratt síðan á níunda áratug 20 aldar.[2]
Perlufljót er þriðja lengsta fljót Kína, 2.400 kílómetra ef talið er frá lengstu upptökum fljótsins, við ána Xi. Einungis Jangtse-fljót (eða Bláá) og Gulafljót eru lengri. Perlufljót er næststærst miðað við vatnsrennsli (rúmmál) á eftir Jangtse-fljóti.
Vatnasvið Perlufljóts nær yfir 453.700 ferkílómetra svæði í Guangdong og Guangxi héruðum, og einnig að hluta af héruðunum Yunnan, Guizhou, Hunan og Jiangxi. Að auki nær vatnasviðið til norðurhluta héraðanna Cao Bằng og Lạng Sơn í Víetnam.
Heimildir
breyta- Fyrirmynd greinarinnar var „Pearl_River“ á ensku útgáfu Wikipedia. Sótt 20. júlí 2022.
Tilvísanir
breyta- ↑ „Pearl River Delta“, Wikipedia (enska), 16. júlí 2022, sótt 21. júlí 2022
- ↑ Britannica, The Editors of Encyclopaedia. (2. ágúst 2018). „Pearl River Delta“. Encyclopedia Britannica. Sótt 21. júlí 2022.