Guðjón Arnar Kristjánsson
Guðjón Arnar Kristjánsson (5. júlí 1944 – 17. mars 2018) var íslenskur stjórnmálamaður og formaður Frjálslynda flokksins. Guðjón var fyrrverandi skipstjóri og fjallaði mikið um sjávarútvegsmál og hagsmuni sjómanna. Vegna þessa var hann af mörgum talinn talsmaður landsbyggðarinnar.
| Guðjón Arnar Kristjánsson (GAK) | |
| |
| Fæðingardagur: | 5. júlí 1944 |
|---|---|
| Fæðingarstaður: | Ísafjörður |
| Dánardagur: | 17. mars 2018 |
| Flokkur: | Frjálslyndi flokkurinn |
| Þingsetutímabil | |
| 1999-2003 | í Vestf. fyrir Frjálsl. |
| 2003-2009 | í Norðvest. fyrir Frjálsl. |
| ✽ = stjórnarsinni | |
| Embætti | |
| 1999-2004 | Þingflokksformaður |
| Tenglar | |
| Æviágrip á vef Alþingis – Vefsíða | |
Guðjón var sonur Kristjáns Sigmundar Guðjónssonar og konu hans, Jóhönnu Jakobsdóttur. Fyrir stjórnmálaferilinn fékkst Guðjón við sjómennsku, hann lauk stýrimannanámi við Stýrimannaskólann í Reykjavík og var skipstjóri í þrjá áratugi. Guðjón var formaður Skipstjóra- og stýrimannafélagsins Bylgjunnar 1975-1984 og forseti Farmanna- og fiskimannasambands Íslands 1983-1999. Guðjón var meðlimur í Sjálfstæðisflokknum líkt og Sverrir Hermannsson en árið 1999 sögðu þeir sig frá honum og stofnuðu Frjálslynda flokkinn. Guðjón hafði þann siðinn að halda ræður einhverstaðar á landinu á Sjómannadeginum.
Guðjón lýsti sig andsnúinn stuðningi íslenskra stjórnvalda við stríðið í Írak. [1] Frjálslyndi flokkurinn var gagnrýndur fyrir umburðarlitla afstöðu sína gagnvart innflytjendum. Guðjón hélt því sjálfur fram t.d. að undirboð erlends vinnuafls skaði starfsaldurtengd lífeyrisréttindi íslenskra iðnaðarmanna. [2]
Tengill breyta
Þetta æviágrip sem tengist stjórnmálum og Íslandi er stubbur. Þú getur hjálpað til með því að bæta við greinina.