Galeiða var grunnskreitt ein-, tví eða þrímastrað kaup- eða herskip. Þau voru knúin latínseglum og flóknu árakerfi með allt að 70 árum á hvort borð. Ræðarar voru sjaldan refsifangar fyrr en á 16. öld, fyrir þann tíma er talið að flestar galeiður hafi verið mannaðar launuðum ræðurum. Galeiður voru með sérstaka vígtrjónu til að brjóta árabúnað og skipsboli óvinaskipa.

Frönsk Galeiða - málverk eftir Abraham Willaerts, frá 17. öld

Galeiður voru algengar við Miðjarðarhafið frá 3. árþúsundi f.Kr. og allt fram á 18. öld. Það voru Grikkir og Föníkumenn sem smíðuðu fyrstu þekktu skipin.

Sjálft orðið er gamalt tökuorð í norrænu málunum úr þýsku, þaðan sem það er komið um latínu úr grísku, þar sem það var í öndverðu haft yfir vissa tegund af fiski en síðan voru skipin nefnd eftir fiskinum sökum einhverra líkinda.