El Hierro
El Hierro (gælunafn: Isla del Meridiano) er spænsk eyja. Hún er minnsta og suðvestasta Kanaríeyjan við strönd Vestur-Afríku í Atlantshafinu. Hún liggur á hnitunum 27°45'N og 18°00'V. og er 269 ferkílómetrar að stærð. Mannfjöldi eyjunnar var um 11.000 (árið 2017).
Hæsti punktur eyjunnar er Malpaso; 1501 metrar. Eyjan er um 1.1 milljón ára gömul og yngst Kanaríeyja. Síðasta eldgos á eyjunni varð seint á 18.öld. Árið 2011 var neðansjávargos nálægt eyjunni og jarðskjálftar.
El Hierro tilheyrir héraðinu Santa Cruz de Tenerife og eru þar þrjú sveitarfélög: Frontera, Valverde og El Pinar. Þau samsvara helstu bæjunum á eyjunni: La Frontera, Villa de Valverde, El Pinar de El Hierro. Vindmyllur og vatnsafl sjá eyjunni fyrir rafmagni.
Heimild breyta
Wikimedia Commons er með margmiðlunarefni sem tengist El Hierro.
Tenglar breyta
- El Hierro - Opinber vefsíða ferðamannaþjónustu Kanaríeyja Geymt 2 september 2010 í Wayback Machine
