EV7 Sólarleiðin

EV7 Sólarleiðin er 7.409 km löng EuroVelo-hjólaleið frá Nordkapp í Noregi til Möltu í Miðjarðarhafinu. Leiðin liggur um níu lönd, Noreg, Finnland, Svíþjóð, Danmörku, Þýskaland, Tékkland, Austurríki, Ítalíu og Möltu.

Leiðin breyta

Noregur: Leiðin liggur frá Nordkapp til Honningsvåg og Repvåg til Alta í Finnmörku og Kautokeino.
Finnland: Leiðin liggur eilítið inn í Finnland til Hetta og Palojoensuu að landamærum Svíþjóðar við Karesuando.
Svíþjóð: Í Svíþjóð fer leiðin til Haparanda og Sundsvall, Torsång, Borås og endar í Helsingborg þar sem ferja gengur til Helsingør í Danmörku.
Danmörk: Leiðin liggur frá Helsingør til Kaupmannahafnar og síðan til Køge, Præstø, Stubbekøbing til Gedser þar sem ferja gengur til Þýskalands.
Þýskaland: Leiðin liggur frá Rostock til Krakow am See, Neustrelitz, Oranienburg til Berlínar, og síðan um Wittenberg og Dresden að landamærum Tékklands.
Tékkland: Leiðin liggur eftir Saxelfi um Melnik til Prag, til Pilsen og Ceské Budejovice að austurrísku landamærunum.
Austurríki: Í Austurríki liggur leiðin til Linz, eftir Dóná til Passau og Salzburg að Brennerskarði við landamæri Ítalíu.
Ítalía: Á Ítalíu fylgir leiðin fyrirhugaðri Bicitalia-leið 1 sem liggur um Mantúa, Bologna, Flórens, Grosseto, Róm, eftir Via Appia til Napólí að Reggio Calabria þar sem ferja gengur til Messína á Sikiley þar sem leiðin heldur áfram til Catania og Sýrakúsu þar sem ferja gengur til Möltu.
Malta: Á Möltu er stungið upp á nokkrum hjólaleiðum.