30. ágúst

30. ágúst er 242. dagur ársins (243. á hlaupári) samkvæmt gregoríska tímatalinu. 123 dagar eru eftir af árinu.

Atburðir

• 257 - Sixtus 2. varð páfi.
• 1720 - Jón Vídalín Skálholtsbiskup andaðist 54 ára gamall á leið norður Kaldadal, er hann var kominn þar sem nú heitir Biskupsbrekka til minningar um þennan atburð.
• 1779 - Í Kaupmannahöfn stofnuðu Íslendingar Hið íslenska lærdómslistafélag og var Jón Eiríksson forseti þess. Markmiðið var að fræða Íslendinga um bústjórn og bæta vísindaþekkingu þeirra og bókmenntasmekk. Félagið starfaði til 1796.
• 1874 - Haldin var önnur þjóðhátíð í Reykjavík í besta veðri, en mörgum þótti sú sem fyrr var haldin í mánuðinum hafa tekist verr en skyldi.
• 1919 - Maurice Ralph Hilleman fæddur. Hann var bandarískur örverufræðingur sem sérhæfði sig í bólusetningum. Hann þróaði yfir 36 bóluefni, meira en nokkur annar vísindamaður.
• 1966 - Tvær trillur sigldu fram á marsvínavöðu sem þær ráku á undan sér upp í landsteinana við Laugarnes í Reykjavík þar sem þrjú þeirra voru drepin.
• 1967 - Eldur kom upp í vöruskemmum Eimskipa við Borgartún í Reykjavík, en þar voru þúsundir tonna af vörum í geymslu. Slökkvilið barðist við eldinn í rúmlega sólarhring. Eignatjón varð meira en áður hafði orðið í eldsvoða á Íslandi.
• 1975 - Alþjóðasamningur um varnir gegn mengun hafsins vegna losunar úrgangsefna og annarra efna í það tók gildi.
• 1981 - Forseti Írans, Muhammed Ali Rajai, og forsætisráðherrann, Muhammed Javad Bahonar, voru myrtir.
• 1983 - Guion Bluford varð fyrsti þeldökki Bandaríkjamaðurinn í geimnum í leiðangrinum STS-8 með geimskutlunni Challenger.
• 1984 - Geimskutlan Discovery fór í jómfrúrferð sína.
• 1991 - Aserbaísjan lýsti yfir sjálfstæði frá Sovétríkjunum.
• 1992 - Umsátrinu um Ruby Ridge lauk þegar Randy Weaver gafst upp. Þá voru eiginkona hans, 14 ára sonur og einn lögreglufulltrúi látin.
• 1993 - Late Show með David Letterman hóf göngu sína á CBS.
• 1994 - Fyrsta breiðskífa bresku hljómsveitarinnar Oasis, Definitely Maybe, kom út.
• 1995 - NATO hóf sprengjuárásir á her Bosníuserba í Bosníu og Hersegóvínu.
• 1995 - Dauðarefsingar voru aftur teknar upp í New York-fylki eftir 18 ára hlé.

• 1999 - Íbúar Austur-Tímor samþykktu sjálfstæði frá Indónesíu í þjóðaratkvæðagreiðslu.
• 2001 - Aðskilnaðarsinnar frá Bougainville undirrituðu friðarsamkomulag við ríkisstjórn Papúu Nýju-Gíneu.
• 2004 - Fjölbrautaskóli Snæfellinga tók til starfa.
• 2009 - Japanski demókrataflokkurinn náði meirihluta í neðri deild japanska þingsins eftir hálfrar aldar yfirráð frjálslyndra demókrata.
• 2020 - 27 ungmenni leituðu læknishjálpar vegna kolmónoxíðeitrunar eftir ólöglegt partý í aflögðu varnarmannvirki í St. Hanshaugen í Ósló.
• 2021 – Stjórn Knattspyrnusambands Íslands sagði af sér eftir að hafa hlotið harða gagnrýni fyrir að hafa þagað um og reynt að hylma yfir ofbeldisbrot leikmanna karlalandsliðsins.
• 2021 - Stríðið í Afganistan (2001–2021): Bandaríkjamenn drógu síðustu hermenn sína frá Kabúlflugvelli í Afganistan.

Fædd

• 1334 - Pétur Kastilíukonungur (d. 1369).
• 1660 - Steinn Jónsson, Hólabiskup (d. 1739).
• 1748 - Jacques-Louis David, franskur listmálari (d. 1825).
• 1758 - Cristóbal Bencomo y Rodríguez, spænskur prestur (d. 1835).
• 1797 - Mary Shelley, enskur rithöfundur (d. 1851).
• 1871 - Ernest Rutherford, nýsjálenskur eðlisfræðingur (d. 1937).
• 1919 - Maurice Hilleman, bandarískur örverufræðingur (d. 2005).
• 1920 - Marinó Þorsteinsson, íslenskur leikari (d. 2006).
• 1930 - Warren Buffett, bandarískur fjárfestir.
• 1931 - Hrefna Ingimarsdóttir, íslenskur körfuknattleiksþjálfari (d. 2005).
• 1946 - Jacques Tardi, franskur myndasöguhöfundur.
• 1952 - Bjarni Ingvarsson, íslenskur leikari.
• 1954 - Alexander Lúkasjenkó, forseti Hvíta-Rússlands.
• 1956 - Julian Richings, enskur leikari.
• 1958 - Sigrún Edda Björnsdóttir, íslensk leikkona.
• 1958 - Anna Polítkovskaja, úkraínsk blaðakona (d. 2006).
• 1966 - Ragna Árnadóttir, skrifstofustjóri Alþingis og fyrrverandi ráðherra.
• 1972 - Cameron Diaz, bandarísk leikkona.
• 1986 - Ryan Ross, bandarískur gítarleikari (Panic! At The Disco).

Dáin

• 1181 - Alexander 3. páfi (f. 1159).
• 1483 - Loðvík 11. Frakkakonungur (f. 1423).
• 1720 - Jón Vídalín, Skálholtsbiskup (f. 1666).
• 1856 - John Ross, breskur landkönnuður (f. 1777).
• 1929 - Sighvatur Bjarnason, reykvískur bankastjóri og bæjarfulltrúi (f. 1859).
• 1966 - Ragna Árnadóttir, íslenskur lögfræðingur.
• 1976 - Paul Lazarsfeld, bandarískur félagsfræðingur (f. 1901).
• 1984 - Þorvaldur Skúlason, íslenskur myndlistarmaður (f. 1906).
• 1997 - Ernst Willimowski, pólsk-þýskur knattspyrnumaður (f. 1916).
• 2003 - Charles Bronson, bandarískur leikari (f. 1921).
• 2003 - Donald Davidson, bandarískur heimspekingur (f. 1917).
• 2006 - Naguib Mahfouz, egypskur rithöfundur (f. 1911).
• 2010 - Francisco Varallo, argentinskur knattspyrnumaður (f. 1910).
• 2012 - Magnús Bjarnfreðsson, íslenskur sjónvarpsfréttamaður (f. 1934).
• 2013 - Seamus Heaney, írskur rithöfundur (f. 1939).
• 2022 - Míkhaíl Gorbatsjov, síðasti leiðtogi Sovétríkjanna (f. 1931).