1977

Árþúsund:	2. árþúsundið
Aldir:	19. öldin; 20. öldin ; 21. öldin;
Áratugir:	1951–1960; 1961–1970; 1971–1980; 1981–1990; 1991–2000;
Ár:	1974; 1975; 1976; 1977; 1978; 1979; 1980;

Árið 1977 (MCMLXXVII í rómverskum tölum) var 77. ár 20. aldar sem hófst á laugardegi.

Atburðir breyta

Janúar breyta

Jimmy og Rosalynn Carter við innsetninguna

Janúar - Commodore PET, fyrsta tölvan sem var með öll jaðartæki í einum kassa, var kynnt á Consumer Electronics Show í Chicago í Bandaríkjunum.
3. janúar - Fyrirtækið Apple Computer var formlega skráð.
6. janúar - Tónlistarframleiðandinn EMI sagði upp samningi við hljómsveitina Sex Pistols.
8. janúar - Þrjár sprengjur sprungu í Moskvu með þeim afleiðingum að sjö dóu.
10. janúar - Eldgos hófst í Nyiragongo í Saír. Hraunflóðið olli dauða 70 manna.
11. janúar - Raforka á Íslandi; byggðalínan var tekin í notkun þegar Akureyri var tengd við raflínur að sunnan.
15. janúar - Flugslysið í Kälvesta: Sænsk farþegavél hrapaði á íbúðabyggð með þeim afleiðingum að 22 létust.
17. janúar - Gary Gilmore var tekinn af lífi í Bandaríkjunum, sá fyrsti eftir að dauðarefsing var aftur heimiluð.
18. janúar - Vísindamenn uppgötvuðu áður óþekkta bakteríu sem talin var ástæða hermannaveiki.
20. janúar - Jimmy Carter tók við embætti forseta Bandaríkjanna.
23. janúar - Sjónvarpsþáttaröðin Rætur hóf göngu sína í ABC.

Febrúar breyta

1. febrúar - Ítalska sjónvarpsstöðin RAI hóf útsendingar í lit.
4. febrúar - Hljómsveitin Fleetwood Mac gaf út plötuna Rumours.
7. febrúar - Flokkur Zulfikar Ali Bhutto sigraði þingkosningar í Pakistan en var ásakaður um kosningasvindl.
11. febrúar - 20,2 kílóa þungur humar veiddist við Nova Scotia.
17. febrúar - 77-hreyfingin varð til þegar stúdentar ráku ritara Almenna ítalska verkamannasambandsins (CGIL) af fundi í Háskólanum í Róm.
18. febrúar - Geimskutluáætlunin: Geimskutlan Enterprise flaug „jómfrúarflug“ á Boeing 747 burðarþotu.
18. febrúar - Fyrsta tölublað breska myndasögutímaritsins 2000 AD kom út.
25. febrúar - 42 létust í bruna í Hotell Rossíja í Moskvu.
27. febrúar - Skákeinvígi Boris Spasskí og Vlastímíl Hort hófst í Reykjavík.

Mars breyta

Jarðskjálftinn í Búkarest

4. mars - 1500 manns fórust í jarðskjálfta á Balkanskaga.
9. mars - Hanafiumsátrið: Um tugur meðlima Hanafihreyfingarinnar tóku 130 gísla og drápu einn í þremur byggingum í Washington DC.
10. mars - Vísindamenn í Kuiper Airborne Observatory uppgötvuðu hringi Úranusar.
10. mars - Ítalska þingið samþykkti að réttað skyldi yfir ráðherrunum Luigi Gui og Mario Tanassi vegna Lockheed-hneykslisins.
19. mars - Indverski kongressflokkurinn beið afhroð í þingkosningum.
21. mars - Neyðarlögum var aflétt á Indlandi.
26. mars - Samtökin Focus on the Family voru stofnuð af James Dobson.
27. mars - Mannskæðasta flugslys sögunnar varð þegar tvær farþegaþotur, frá KLM og Pan Am skullu saman á flugvellinum á Tenerífe með þeim afleiðingum að 583 fórust.
28. mars - Portúgal sótti formlega um aðild að Evrópubandalaginu.

Apríl breyta

5. apríl - Joachim Yhombi-Opango varð forseti herforingjastjórnarinnar í Vestur-Kongó.
8. apríl - Fyrsta hljómplata bresku hljómsveitarinnar The Clash kom út.
15. apríl - Jón L. Árnason varð Íslandsmeistari í skák aðeins 16 ára gamall.
20. apríl - Kvikmyndin Annie Hall var frumsýnd á Íslandi.
22. apríl - Olíuslys varð í olíuborpallinum Ekofisk 2/4 B í Norðursjó. Olía lak úr borholunni í átta daga stjórnlaust.
28. apríl - Dómstóll í Stuttgart dæmdi þrjá meðlimi Rote Armee Fraktion, Andreas Baader, Gudrun Ensslin og Jan-Carl Raspe, í lífstíðarfangelsi.

Maí breyta

Lestin sem aðskilnaðarsinnar frá Mólúkkaeyjum rændu í Hollandi

1. maí - 34 létust og hundruð særðust í blóðbaðinu á Taksimtorgi í Istanbúl.
7. maí - Frakkar sigruðu Söngvakeppni evrópskra sjónvarpsstöðva með laginu „L'oiseau et l'enfant“ sem Marie Myriam flutti.
17. maí - Likudflokkurinn, undir stjórn Menachem Begin, sigraði þingkosningar í Ísrael.
20. maí - Austurlandahraðlestin til Istanbúl lagði upp í sína síðustu ferð kl. 23:53 frá Gare de Lyon í París.
21. maí - Straumsvíkurganga gegn bandarískri hersetu haldin af Samtökum herstöðvaandstæðinga.
23. maí - Vísindamenn tilkynntu að tekist hefði að framleiða insúlín með erfðabreyttri bakteríu.
23. maí - Hryðjuverkamenn frá Mólúkkaeyjum hertóku skóla og lest í Bovensmilde í Hollandi og tóku 195 gísla.
25. maí - Kvikmyndin Stjörnustríð var frumsýnd.
27. maí - Rússíbaninn „Space Mountain“ var opnaður í Disney World í Flórída.
28. maí - Eldur kom upp í næturklúbbnum Beverly Hills Supper Club með þeim afleiðingum að 165 létust.
29. maí - Hryðjuverkahópurinn Jammu Kashmir Liberation Front var stofnaður í Birmingham á Englandi.

Júní breyta

Götuhátíð í London í tilefni af silfurkrýningarafmæli drottningarinnar

5. júní - France-Albert René varð forseti Seychelles-eyja í kjölfar hallarbyltingar.
6.-9. júní - Hátíðahöld í Bretlandi í tilefni af silfurkrýningarafmæli Elísabetar 2.
10. júní - Sala hófst á heimilistölvunni Apple II.
11. júní - Aðskilnaðarsinnar frá Mólúkkaeyjum sem höfðu tekið 195 gísla í Hollandi gáfust upp.
12. júní - The Supremes héldu sína síðustu tónleika á Drury Lane í London.
15. júní - Fyrstu lýðræðislegu kosningarnar á Spáni voru haldnar eftir lát Francisco Franco.
16. júní - Larry Ellison, Bob Miner og Ed Oates stofnuðu Oracle Corporation í Bandaríkjunum.
26. júní - Elvis Presley kom í síðasta sinn fram á tónleikum í Indianapolis.
27. júní - Djibútí fékk sjálfstæði frá Frakklandi.
30. júní - Suðaustur-Asíubandalagið (SEATO) var formlega lagt niður.

Júlí breyta

5. júlí - Herforinginn Muhammad Zia-ul-Haq steypti Zulfikar Ali Bhutto af stóli í Pakistan.
13. júlí - Sómalía sagði Eþíópíu stríð á hendur.
13. júlí - 25 tíma rafmagnsleysi varð í New York-borg.
21. júlí - Stríð Líbýu og Egyptalands hófst með árást Líbýumanna á þorpið Sallum.
22. júlí - Deng Xiaoping endurheimti stöðu sína í kínverska kommúnistaflokknum eftir að hafa verið hrakinn þaðan af fjórmenningagenginu árið áður.
28. júlí - Fyrsta olían sem dælt var um Olíuleiðsluna miklu í Alaska barst til bæjarins Valdez.
28. júlí - Spánn sótti um inngöngu í Evrópubandalagið.

Ágúst breyta

3. ágúst - Tandy Corporation kynnti örtölvuna TRS-80 á blaðamannafundi.
4. ágúst - Orkustofnun Bandaríkjanna var stofnuð.
4. ágúst - Sprengjumaðurinn frá Gladsaxe sprengdi sína fyrstu sprengju í símaklefa í Kaupmannahöfn.
10. ágúst - David Berkowitz („sonur Sams“) var handtekinn í New York.
12. ágúst - Geimskutlan Enterprise flaug í fyrsta sinn hjálparlaust.
15. ágúst - Wow!-merkið var numið af útvarpsnema SETI-verkefnisins við Ohio State University Radio Observatory.
17. ágúst - Sovéski ísbrjóturinn Arktika komst fyrstur skipa á Norðurpólinn.
20. ágúst - Voyager-áætlunin: Geimfarinu Voyager 2 var skotið á loft.

September breyta

Voyager 1 tekst á loft

5. september - Voyager-áætlunin: Voyager 1 var skotið á loft.
6. september - Þýska haustið: Hanns Martin Schleyer, forseta samtaka þýskra atvinnurekenda, var rænt af Rote Armee Fraktion í Köln og þrír fylgdarmenn hans drepnir.
7. september - Bandaríkin og Panama gerðu með sér nýjan samning um Panamaskurðinn sem gerði ráð fyrir að Panama fengi smám saman full yfirráð yfir skurðinum.
10. september - Hamida Djandoubi varð síðasti maðurinn sem var tekinn af lífi með fallöxi í Frakklandi.
11. september - Atari 2600 kom út í Bandaríkjunum.
12. september - Steve Biko lést eftir höfuðáverka sem hann hlaut í gæsluvarðhaldi lögreglu í Suður-Afríku.
17. september - Jón L. Árnason varð heimsmeistari unglinga í skák.
18. september - Bandaríska skútan Courageous undir stjórn Ted Turner sigraði ástralska áskorandann í Ameríkubikarnum.
20. september - Petrosavodskfyrirbærið sást frá Sovétríkjunum og fleiri löndum í Norður-Evrópu.

Október breyta

1. október - Samtök áhugafólks um áfengisvandamálið voru stofnuð á Íslandi.
11. október - Fyrsta verkfall BSRB hófst og stóð yfir í 16 daga.
13. október - Þýska haustið: Fjórir Palestínumenn rændu flugvél frá Lufthansa á leið til Sómalíu og kröfðust lausnar ellefu meðlima Rote Armee Fraktion.
14. október - Lög um sakaruppgjöf voru samþykkt á Spáni. Margir Spánverjar sem hrakist höfðu í útlegð vegna alræðisstjórnar Francos gátu þá snúið aftur.
17. október - Þýska haustið: GSG 9 réðist inn í flugvélina í Mógadisjú. Þrír af fjórum flugræningjum voru drepnir.
18. október - Þýska haustið: Andreas Baader, Jan-Carl Raspe og Gudrun Ensslin frömdu sjálfsmorð í Stammheim-fangelsinu.
19. október - Þýska haustið: Hanns Martin Schleyer fannst myrtur í skotti bíls í Frakklandi.
20. október - Þrír meðlimir hljómsveitarinnar Lynyrd Skynyrd fórust í flugslysi aðeins þremur dögum eftir útgáfu hljómplötunnar Street Survivors.
21. október - Evrópska einkaleyfastofan var stofnuð.
26. október - Síðasta náttúrulega bólusóttartilfellið uppgötvaðist í Sómalíu. Tveimur árum síðar taldist sjúkdómnum hafa verið útrýmt.
28. október - Breska hljómsveitin Sex Pistols gaf út hljómplötuna Nevermind the Bollocks: Here's the Sex Pistols.

Nóvember breyta

1. nóvember - Íslenska óperan var stofnuð.
8. október - Gríski fornleifafræðingurinn Manolis Andronikos fann óopnað grafhýsi í Vergina sem hann taldi vera gröf Filippusar 2. Makedóníukonungs.
10. nóvember - Ástralska tríóið Bee Gees gaf út hljómplötuna Saturday Night Fever með lögum úr samnefndri kvikmynd.
19. nóvember - Anwar Sadat varð fyrsti arabaleiðtoginn sem fór í opinbera heimsókn til Ísrael.
19. nóvember - Flugvél frá TAP hrapaði á flugvellinum í Madeira með þeim afleiðingum að 131 fórst.
22. nóvember - British Airways hóf reglulegt flug til New York með Concorde-þotu.

Desember breyta

1. desember - Fyrsta barnasjónvarpsstöðin, The Pinwheel Network (síðar nefnd Nickleodeon), hóf útsendingar.
4. desember - Forseti Mið-Afríkulýðveldisins, Jean-Bédel Bokassa, lýsti sjálfan sig keisara.
4. desember - Flugvél frá Malaysian Airline var rænt með þeim afleiðingum að hún hrapaði við þorpið Tanjung Kupang. Allir farþegar og áhöfn létust.
5. desember - Suðurafríska héraðið (bantústanið) Bophuthatswana lýsti yfir stofnun sjálfstæðs lýðveldis, en alþjóðasamfélagið hunsaði það.
14. desember - Kvikmyndin Saturday Night Fever var frumsýnd í Bandaríkjunum.
20. desember - Djibútí og Víetnam urðu aðilar að Sameinuðu þjóðunum.
31. desember - Víetnam og Kambódía slitu stjórnmálasamskiptum vegna landamæradeilna.

Fædd breyta

10. janúar - Michelle O'Neill, írsk stjórnmálakona.
13. janúar - Orlando Bloom, enskur leikari.
18. janúar - Didier Dinart, franskur handknattleiksmaður.
22. janúar - Hidetoshi Nakata, japanskur knattspyrnumaður.
27. janúar - Telma Ágústsdóttir, íslensk söngkona.
1. febrúar - Erla Hendriksdóttir, fyrrum fyrirliði íslenska landsliðsins í fótbolta.

Shakira

2. febrúar - Shakira, kólumbísk söngkona.
6. febrúar - Josh Stewart, bandarískur leikari.
7. febrúar - Ívar Örn Sverrisson, íslenskur leikari.
8. febrúar - Sverre Andreas Jakobsson, íslenskur handknattleiksmaður.
7. mars - Jérôme Fernandez, franskur handknattleiksmaður.
10. mars - Ágúst Ólafur Ágústsson, íslenskur stjórnmálamaður.
12. mars - Dísella Lárusdóttir, óperusöngkona
13. mars - Jón Þór Ólafsson, íslenskur stjórnmálamaður.
18. mars - Zdeno Chara, slóvakískur íshokkíleikmaður.
9. apríl - Gerard Way, bandarískur tónlistarmaður og myndasöguhöfundur.
14. apríl - Sarah Michelle Gellar, bandarísk leikkona.
16. apríl - Fredrik Ljungberg, sænskur knattspyrnumaður.
16. apríl - Alek Wek, súdönsk fyrirsæta.
26. apríl - Svavar Pétur Eysteinsson, þekktur sem Prins Póló, íslenskur tónlistarmaður
16. maí - Emilíana Torrini, íslenskur tónlistarmaður.
19. maí - Sólveig Guðmundsdóttir, íslensk leikkona.
31. maí - Eric Christian Olsen, bandarískur leikari.
31. maí - Katrín Jónsdóttir, íslensk knattspyrnukona.

Jón Jósep Snæbjörnsson

1. júní - Jón Jósep Snæbjörnsson, íslenskur söngvari.
5. júní - Navi Rawat, bandarísk leikkona.
8. júní - Kanye West, bandarískur tónlistarmaður.
11. júní - Ryan Dunn, bandarískur áhættuleikari (d. 2011).
11. júlí - Edward Moss, bandarískur leikari.
14. júlí - Viktoría krónprinsessa Svíþjóðar.
3. ágúst - Tómas Lemarquis, íslenskur leikari.
17. ágúst - Thierry Henry, franskur knattspyrnumaður.
22. ágúst - Heiðar Helguson, íslenskur knattspyrnumaður.
25. ágúst - Jonathan Togo, bandarískur leikari.
29. ágúst - Erpur Eyvindarson, íslenskur tónlistarmaður.
18. september - Steinunn Þóra Árnadóttir, íslenskur stjórnmálamaður.
18. september - Barrett Foa, bandarískur leikari.
4. október - Stefán Hallur Stefánsson, íslenskur leikari.
5. október - Vigdís Hrefna Pálsdóttir, íslensk leikkona.
5. október - Hugleikur Dagsson, íslenskur myndasöguhöfundur.
8. október - Travis Wester, bandarískur leikari.
12. október - Ólafur Egill Egilsson, íslenskur leikari.
13. október - Paul Pierce, bandarískur körfuknattleiksmaður.
16. október - John Mayer, bandarískur tónlistarmaður.
17. október - Alimi Ballard, bandarískur leikari.
20. október - Sheeri Rappaport, bandarísk leikkona.
10. nóvember - Brittany Murphy, bandarísk leik- og söngkona (d. 2009).
11. nóvember - Höskuldur Ólafsson, íslenskur tónlistarmaður.
12. nóvember - Benni McCarthy, suðurafrískur knattspyrnumaður.
14. nóvember - Brian Dietzen, bandarískur leikari.
15. nóvember - Sean Murray, bandarískur leikari.
22. nóvember - Annika Norlin, sænsk söngkona.
26. nóvember - Grétar Ólafur Hjartarson, íslenskur knattspyrnumaður.
29. nóvember - Paul Goodison, enskur siglingamaður.
7. desember - Dominic Howard, enskur trommuleikari.
9. desember - Björgvin Franz Gíslason, íslenskur leikari.
20. desember - Sonja Aldén, sænsk söngkona.
21. desember - Regína Ósk Óskarsdóttir, íslensk söngkona.
31. desember - Psy, kóreskur söngvari.

Dáin breyta

9. janúar - Barbara Árnason, íslensk myndlistarkona (f. 1911).
17. janúar - Ríkarður Jónsson, íslenskur myndhöggvari (f. 1888).
16. mars - Halldór Pétursson, íslenskur teiknari (f. 1916).
28. apríl - Sepp Herberger, þýskur knattspyrnumaður (f. 1897).
31. maí - Neco, brasilískur knattspyrnumaður (f. 1895).
2. júlí - Vladimir Nabokov, rússneskur rithöfundur (f. 1899).
7. júlí - Jakobína Johnson, vesturíslenskt skáld (f. 1883).
7. júlí - Nicolae Kovács, rúmenskur knattspyrnumaður (f. 1911).
26. júlí - Oskar Morgenstern, austurrískur hagfræðingur (f. 1902).
15. ágúst - Hafsteinn Björnsson miðill (f. 1914).

Presley (t.h.) með Nixon í Hvíta húsinu árið 1970

16. ágúst - Elvis Presley, bandarískur söngvari (f. 1935).
19. ágúst - Groucho Marx, bandarískur leikari (f. 1890).
12. september - Steve Biko, suðurafrískur aktívisti (f. 1946).
16. september - Maria Callas, grísk óperusöngkona (f. 1923).
5. nóvember - René Goscinny, franskur myndasöguhöfundur (f. 1926).
22. desember - Ragnheiður Jónsdóttir Ream, íslensk myndlistarkona (f. 1917).
25. desember - Charlie Chaplin, breskur leikari (f. 1889).